Exodo 20:6 - Kalin Apo Dios

⁶ Ngem ipailak nan layadko isnan manglayad ken sak-en ya mangtongpal isnan bilinko enggana isnan kalibolibo ay aap-oda is kasin.

Exodo 20:6 Iomraidhean Croise

Salmo 103:17

Ngem nan adi menbalbaliw ay layad nan apo et mawawawada isnan mangpatpateg ken siya ya nan kinalintegna et mentoltoloy isnan aap-oda ay eng-enggana.

Exodo 34:7

Tongpalek nan insapatak isnan kalibolibo ay kap-owan nan ipogawko dakpay pakawanen nan basbasolda. Ngem dosaek nan managbasol ay enggana isnan maikatlo ya maikap-at ay aan-ak ya aap-oda.”

Proverbio 3:1

Anakko, adim kalkalingkingan nan isolok ken sik-a nodi nenenenemnemem nan ibagbagak ken sik-a.

Nomero 14:18

‘Sak-en ay apo et bakenak nalaka ay makaliget et ipailak nan adi menbalbaliw ay layadko ya matalekak. Pakawanek gedan nan basol ya kinasokil. Ngem dosaek nan aan-ak ya aap-oyo isnan maikatlo ya maikap-at gapo isnan basol nan kaan-ak ken daida.’

Juan 14:15

Intoloy Jesus ay mangwani en, “No laylaydenyo sak-en et tongpalenyo nan bilinko.

Juan 14:21

Nan mangdenge isnan bilinko danat tongpalen et siya nan manglaylayad ken sak-en. Nan manglaylayad ken sak-en et laylayden Ama ya laylaydek abes isonga awnitak ipagtek ken siya nan am-in ay maipanggep ken sak-en,” kinwanin Jesus.

Aapostolis 2:39

Tay nakitolag si Apo Dios ay mangwani en, ‘Am-in kayo ay ayagak et awnit komapet nan Ispirito Santo ken dakayo ya nan an-akyo ya nan ap-oyo, olay nan ipogaw ay baken Judio olay sino ay ipogaw ay ayagak et makapetda isnan Ispirito Santo.’”

Deuteronomio 4:37

Gapo tay linaylayadna din alal-apoyo et pinilina dakayo ay ap-oda ay men-ipogawna. Dat siya mismo nan nang-ikaan ken dakayo id Egipto isnan pilmi ay kabaelana.

Santiago 1:12

Nan mamati et men-gasing no anosanda ay mangitpe isnan ligat ay adi kasoksokatan nan pammatida. Tay nan makatpe et ligalowan Apo Dios is biyag ay maid patenggana ay inkalina ay maited isnan manglaylayad ken siya.

1 Juan 4:19

Nan gapo ay mabalin ay managlayad tako et tay inmona nan layad Apo Dios ken datako.

1 Juan 5:3

No tongtongpalen tako nan bilbilin Apo Dios et siya nan kailaan nan kinatet-ewan nan layad tako ken siya. Ya nan bilbilina et baken naligat ay matongpal.

2 Juan 1:6

Siya na nan ikkan tako ta maila nan manglaydan tako isnan iib-a tako. Masapol ay tongtongpalen tako nan bilin Apo Dios. Dinngeyo id kasin nan esay bilina ay mangmangwani en menlinayad tako.