Exodo 20:5 - Kalin Apo Dios

⁵ Adi kayo mendaydayaw wenno mensilsilbi isnan kompolni ay aped sinapsapon di ipogaw tay sak-en nan apo ay Diosyo et adiyak kayten ay waday maiyis-iso ken sak-en. Et isnan mang-adi ken sak-en et dosaek daida ya nan an-akda enggana isnan maikatlo ya maikap-at ay ap-oda.

Exodo 20:5 Iomraidhean Croise

1 Aali 19:10

Danat tebben en, “apo ay Dios ay manakabalin, kedkedengka is kanayon ay silsilbiyak. Ngem gapo tay dinokogan nan Israelita nan nakitolagam ken daida dadapay bakasen nan aaltarmo ya pinateyda nan mamadtom et kaytenda ay mangpateyda abes tay kedkedengak is nabay-an.”

Salmo 109:14

Nenemnemen koma nan apo nan basol di alal-apona ya adina polos pakpakawanen nan basol di inana.

Salmo 78:58

Pinaligetda pay gapo isnan aaltarda ay sinaadda isnan bilbilig ya pinaimonda gapo isnan nangdaydayawanda isnan tinagtago isdi.

Salmo 79:8

Adim koma dosaen dakami gapo isnan basbasol din alal-apomi. Esapay omam-amed nan ligat et seg-angam koma dakami tay maidet namnamami.

Salmo 81:15

Menlokbob nan mangliliget ken sak-en ay apo gapo is egyatda ya maid patenggan nan madosaanda.

Ezekiel 18:2

“Dadan kankanan nan naay pangwani ay maipanggep isnan Israelita en, ‘Nan am-a nan nangkakan isnan men-alsem ay obas ngem aped nan an-akda nan nangilo nan bab-ad.’

Ezekiel 39:25

Ngem sak-en ay kangatowan ay apo et naay nan kanak id wani. Id wani et seg-angak nan ap-on Jacob ay Israelita ta pagawisek kasin nan kabibiyagda. Salaknibak nan napateg ay ngadanko.

Nomero 14:18

‘Sak-en ay apo et bakenak nalaka ay makaliget et ipailak nan adi menbalbaliw ay layadko ya matalekak. Pakawanek gedan nan basol ya kinasokil. Ngem dosaek nan aan-ak ya aap-oyo isnan maikatlo ya maikap-at gapo isnan basol nan kaan-ak ken daida.’

Mateo 4:9

Danat kanan, “Idyak am-in dana ken sik-a no menpalintomengka ay mangdayaw ken sak-en.”

Juan 15:18

Kinwanin pay Jesus en, “Adi kayo masdaaw no aamisen nan adi mamati ken sak-en dakayo tay inilayo nan inkanda ay nang-aamis ken sak-en.

Juan 7:7

Adi mabalin ay kaliliget nan adi mamati ken Apo Dios dakayo ngem kaliligetda sak-en tay ibagbagak ay ngawi nan ik-ikkanda.

Juan 9:2

Dat sooten nan papasolotna ken siya, “Apo, ay sino nan kabasol isnan naiyanakana ay kowap? Ay siya ngen wenno nan makin-anak?”

Roma 1:30

somosolbogda ya tomatayoktokda. Kaseselatda si Apo Dios ya maid lispitoda isnan kompolmi ay ipogaw. Ipapangatoda nan awakda dadapay men-et-etek. Kanayon ay nemnemenda nan awnitda ikkan ay ngawi dadapay adi polos patiyen nan napowanda.

Roma 8:7

Tay nan ipogaw ay mangnemnemnem isnan kaykayatna et ap-aposena si Apo Dios. Adina tongpalen nan linteg Apo Dios tay nan tet-ewa et adi kabalin ay ikkana.

1 Corinto 10:22

Tay no kaneg todi nan ikkanyo et padpadasenyo ay mangipaliget ken Apo Dios. Ayke kayo napigpigsa mo siya tapno abakenyo siya?

Deuteronomio 32:21

Pinaimonda sak-en isnan sinangdidiosda. Ya nangpaligetda isnan tinagtago ay sinapsapoda ay baken tet-ewa ay dios. Isonga paligtek daida ta makaligetda isnan bakenko ipogaw. Paimonek daida ta men-imonda isnan adi makaawat ay baken Israelita.

Deuteronomio 32:41

palidek nan mensilsilap ay ispadak et ostoosto nan ikkak. Men-ibaesak isnan mang-ap-apos et dosaek gedan nan mangliliget ken sak-en.

Deuteronomio 4:24

Tay nan apo ay Diosyo et dadama nan kabaelana ay mendosa ay kaneg nan menbidbidang ay apoy et adyana ay waday maiyis-iso ken siya.”

Deuteronomio 5:10

Ngem ipailak nan layadko isnan manglayad ken sak-en ya mangtongpal isnan bilinko et enggana isnan kalibolibo ay aap-oda is kasin.

Deuteronomio 5:9

Adi kayo mendaydayaw wenno mensilsilbi isnan kompolni ay aped sinapsapon di ipogaw tay sak-en nan apo ay Diosyo et adyak ay waday maiyis-iso ken sak-en. Et dosaek nan mang-adi ken sak-en ya nan an-akda enggana isnan maikatlo ya maikap-at ay ap-oda.

Deuteronomio 6:15

Tay no mendayaw kayo isnan sinangdidios et dadama nan liget nan apo ken dakayo et nan ikkana ay mendosa et kaneg nan ikkan di apoy ay engganay mamaid kayo isnan batawa. Tay nan apo ay Diosyo et adyana ay waday maiyis-iso ken siya.

Santiago 4:4

Ay apo kayo ay adi matalek ay mangtongpal ken Apo Dios. Tay nan il-ilaenyo isnan batawa nan pakaam-amdenyo mo siya. Ay adiyo getken ay no laylaydenyo nan wada isnan batawa ay gomasingan di adi mamati et adi kabalin ay gayyemenyo si Apo Dios? Isonga no siya di nan kayatyo ay ikkan et boson Apo Dios dakayo.

Josue 24:19

Ngem dat kanan Josue issan kaipoipogaw en, “Ngem dakayo et waay adi kayo makasilbi isnan apo tay siya et manakabalin ya manag-imon ay Dios et adina pakawanen nan basbasolyo.