Exodo 20:4 - Kalin Apo Dios

⁴ Adi kayo somapsapo is daydayawenyo is tinagtago wenno kompolni ay kankaneg nan wada isnan daya, nan batawa, wenno isnan danom ay wada isnan daem nan lota.

Exodo 20:4 Iomraidhean Croise

Salmo 78:58

Pinaligetda pay gapo isnan aaltarda ay sinaadda isnan bilbilig ya pinaimonda gapo isnan nangdaydayawanda isnan tinagtago isdi.

Salmo 97:7

Mabainan am-in ay mendaydayaw isnan tinagtago ay mangit-it-ek isnan maid silbina ay sinangdidios. Menpalintomeng am-in nan didios isnan sagang nan apo.

Exodo 32:1

Gapo tay nabayabayag si Moses issan bilig dat omey nan ipogaw ken Aaron et kananda ken siya en, “Ay ngan pay ngen nan inommat isnan kangadan is Moses ay nangibala ken dakami id Egipto? Isapowam et ngalod dakami is dios ay mangipangpango ken dakami.”

Exodo 32:23

Kinwanida ken sak-en en adida kano getken nan inommat isnan kangadan is Moses ay nangikaan ken daida id Egipto isonga isapowak kano daida is dios ay mangipangpango ken daida.

Exodo 32:4

Dat alaen Aaron et lonagena danat ippey isnan pagsokogan et sapowena is kaneg baka. Dat kanan nan deeyday ipogaw en, “Datako ay Israelita, siya na nan dios tako ay nangikaan ken datako id Egipto.”

Exodo 32:8

Binaybay-anda san bilinko ay kanak en tongpalenda dadapay sinmapo is sinangbaka ay sinokogda isnan balitok et siya nan daydayawenda ya mang-idatonanda isnan pinaltida. Kankananda pay en siya di nan diosda ay nangikaan ken daida id Egipto.

Isaias 42:8

Sak-en et kedeng nan apo ay Dios et adi mabalin ay maitapi nan sinangdidios isnan kinangatok. Adiyak ipalobos ay itapida ay mangdayaw isnan tinagtago isnan mangdaydayawanda ken sak-en.

Aapostolis 17:29

Isonga kanak en nan anak et awatenda nan kaanak ken daida. No datako nan anak Apo Dios et adi kabalin ay kanan tako en balitok wenno bato si Apo Dios ay sinapon di nalaing ay ipogaw is tinagtago.

Roma 1:23

Tay imbis si Apo Dios ay kangatowan ya adi katkatey nan patpatgenda ngem nan sinang didios ay sapsapowenda ay paliso nan kail-anda isnan ipogaw ay nalaka ay mamaid wenno isnan koykoyat wenno isnan tap-in di matagtago nan patpatgenda.

Deuteronomio 5:8

Adi kayo somapsapo is tinagtago wenno kompolni ay kankaneg nan wada isnan daya, nan batawa wenno nan wada isnan danom.

Naipagtek 16:2

Isonga dat omey nan omon-ona ay anghel ay mangikolbo isnan wada isnan malakongna isnan batawa. Dat magaddil nan am-in ay ipogaw ay namalkaan is ngadan san kaeegyat ya nan nangdaydayaw isnan tinagtagona et dadama nan sakit nan gaddilda.

Naipagtek 9:20

Ngem nan nabay-an ay ipogaw ay egay natey isnan deey ay ligat et egayda polos tinaynan nan ngawi ay ik-ikkanda ay mangpatpati isnan didimonyo ay aanito ya nan apedda sinapsapo ay balitok, gambang, landok, bato ya kaiw ay sinang didiosda. Dapay nan deeyda ay sinang didios et adida polos makaila, makadnge ya makadaan.