Exodo 20:3 - Kalin Apo Dios

³ Adi kayo mendaydayaw is teken ay dios nodi sak-en et kedeng.

Exodo 20:3 Iomraidhean Croise

Salmo 29:2

Owen, idayawyo nan apo tay kalebbengana. Dayawenyo nan apo isnan mangipailaana isnan kinadiosna.

Salmo 73:25

Maid teken ay daydayawek id daya nodi sik-a et kedeng ya olay isnan naay batawa et kedengka kayet is patpatgek.

Salmo 81:10

tay sak-en nan apo ay Diosyo ay nang-ikaan ken dakayo id Egipto. Sak-en pay gedan nan mangidya isnan am-in ay masapolyo.

Salmo 81:9

Maid polos koma teken is diosyo. Owen, adi kayo mendaydayaw is teken ay dios

Exodo 32:8

Binaybay-anda san bilinko ay kanak en tongpalenda dadapay sinmapo is sinangbaka ay sinokogda isnan balitok et siya nan daydayawenda ya mang-idatonanda isnan pinaltida. Kankananda pay en siya di nan diosda ay nangikaan ken daida id Egipto.

Isaias 26:4

Mentalek kayo ay eng-enggana isnan apo tay kaneg siya nan makneg ay pegnad di nemnem di mangtaltalek ken siya.

Isaias 42:8

Sak-en et kedeng nan apo ay Dios et adi mabalin ay maitapi nan sinangdidios isnan kinangatok. Adiyak ipalobos ay itapida ay mangdayaw isnan tinagtago isnan mangdaydayawanda ken sak-en.

Isaias 43:10

Dakayo pay ay iyIsrael et dakayo nan mang-ibaga isnan maipanggep ken sak-en. Pinilik dakayo ay baak tapno manggetkanyo ken sak-en ya ta mangpati kayo ya tapno maawatanyo ay sak-en et kedkedeng nan Dios. Maid teken is dios nodi sak-en et kedeng. Ya maid pay polos dios is inmon-ona wenno is esa omon-onod.

Isaias 44:8

Adi kayo omegyat ay ipogawko tay gegetkenyo ay menlogi id kasin enggana id wani et inpadtok nan am-in ay awnit ommat et dakayo nan mang-itakdeg ken sak-en. Ay waday teken is dios? Ay waday teken is manakabalin ay dios mo sak-en is egayko dindinnge? Maid.”

Jeremias 7:9

dakayopay men-akew, menpatey, makikamkamolala, menkampot isnan mensapataanyo, menpalti ay men-idaton ken Baal ya daydayawenyo nan dios ay egayyo gin-gintek id kasin.

Mateo 4:10

Dat kanan Jesus, “Komaanka Satanas tay kanan nan naisolat ay kalin Apo Dios en sak-en ay Diosyo nan daydayawenyo ya mensilsilbiyanyo et kedeng.”

1 Corinto 8:4

Ngem isnan nangsootanyo isnan isda et siya na nan ibagak. Getken tako ay baken tet-ewa ay dios nan sinang didios tay es-esa et kedeng nan tet-ewa ay Dios.

Efeso 5:5

tay gegetken tako ay adi mabalin ay maitapi isnan mentolayan Kristo ya si Apo Dios nan mang-ik-ikkan is ngawi ay kaneg nan makikamkamolala ya nan naagom. Nan naagom et nan kinaagomna nan kinadiosna tay siya nan kapatgan ken siya.

Deuteronomio 5:7

Adi kayo mendaydayaw is teken ay Dios nodi sak-en et kedeng.

Deuteronomio 6:14

Adi kayo mendaydayaw is kompolni ay sinangdidios di ipogaw isnan sagsag-enyo.

Deuteronomio 6:5

Masapol ay laylaydenyo ay ostoosto nan apo ay Diosyo isnan nemnemyo ya kabaelanyo ya isnan am-in ay ik-ikkanyo.

Filipos 3:19

Tay nan layden nan awakda et kedeng nan tongtongpalenda ay kaneg siya nan diosda. Et nan kababain ay maik-ikkan nan laydenda ay ipail-ila ya nan katatagowanda isnan batawa et kedeng nan apedda nemnemnemen. Ngem nan menbanaganda et madosdosada ay eng-enggana isnan impilno.

Colosas 2:18

Adi kayo abes masiksikapan isnan mangwani en maid paayyo isonga masapol kano ay dayawenyo nan aanghel ta daida nan kinatopekyo kano ken Apo Dios ta itapina dakayo ken siya koma. Kanan nan naayda ay ipogaw en wada kano nan inpagtek Apo Dios ken daida ngem adiyo kadi patpatiyen tay apedda men-et-etek tay nan nemnemda et kedeng nan nagapowana ay baken ken Apo Dios.

Naipagtek 19:10

Daket menpalintomeng ay mangdayaw koma issan deey ay anghel ngem danat kanan en, “Adim ikkan sa. Masapol ay kedkedeng si Apo Dios is daydayawem tay esaak ay baan Apo Dios gedan ay kanegmo ya kaneg nan iib-am ay mangsolsolot isnan tet-ewa ay mait-itdo ay inpagtek Jesus. Tay nan inpagtekna nan nagapowan nan am-in ay inbagbagan nan mamadton Apo Dios.”

Naipagtek 22:9

Ngem danat kanan, “Adim ikkan sa. Tay masapol ay kedkedeng si Apo Dios is daydayawem tay esangak ay baan Apo Dios ay kanegmo ya kaneg nan iib-am ay mamadton Apo Dios ya nan am-in ay mangtongpal isnan naisolat isnan naay ay liblo.”