Exodo 20:20 - Kalin Apo Dios

²⁰ Dat kanan Moses en, “Adi kayo omegyat tay inmali si Apo Dios ay mang-ila et kedeng no tet-ewa ay patiyenyo siya ya tapno itoltoloyyo ay mangtongtongpal ken siya ta adi kayo bomasbasol.”

Exodo 20:20 Iomraidhean Croise

Proverbio 3:7

Adim kankanan en masilibka nodi iyegyatmo nan apo ta adika men-ik-ikkan is ngawi.

1 Samuel 12:20

Dat kanan Samuel en, “Adi kayo omegyat. Olay no inikkanyo nan naay ngawi ngem adiyo koma amed anayan nan basolyo isnan mangdokoganyo isnan apo nodi silsilbiyanyo kayet siya isnan am-in ay kabaelanyo.

Deuteronomio 8:2

Nenemnemenyo nan inikkan nan apo ay nang-ipangpango ken dakayo isnan ninbab-aatanyo isnan pondag isnan epatpoo ay tew-en. Pinasingpetna dakayo isnan nangpaligatana ay nangpadas ken dakayo ta mangtekana isnan wada isnan nemnemyo no met laeng tongpalenyo nan bilbilina.

Genesis 22:1

Idi menbagot et si Isaac dat padasen Apo Dios si Abraham ta ilaena no tet-ewa ay patiyena siya. Kinwanina, “Abraham!” “Ayta Apo, naayak ya,” kinwanina.

Josue 24:14

“Isonga id wani et patgenyo nan apo ya mensilbi kayo ken siya isnan am-in ay kabaelanyo. Dokoganyo nan sinangdidios ay dinaydayaw din alal-apoyo ya am-ayo id Mesopotamia ya id Egipto ta kedkedeng nan apo is silbiyanyo.

Deuteronomio 6:2

Isnan matatagowanyo et masapol ay dakayo ya nan an-ak ya ap-oyo et patgenyo nan apo ay Diosyo ta mangtongpalanyo isnan am-in ay lintegna ay inbagbagak ken dakayo tasiyay mabaybayag nan matatagowanyo isnan deey ay daga.

Deuteronomio 4:10

nan maipanggep isnan agew ay tinmakdeganyo isnan apo ay Diosyo isnan bilig ay Sinai isdin nangwaniyana ken sak-en en, ‘Dagopem nan sanada ay ipogaw. Kaytek ay dengngenda nan kanak tapno solowenda ay mangpati ken sak-en isnan matatagowanda ya tapno ibagbagada isnan an-akda ta tongpalenda abes sak-en.’

Genesis 22:12

Dat kanan san anghel, “Ibadengmo nan gipan. Adim og-ogadan nan anakmo tay getkek ay tongtongpalem si Apo Dios tay adim iyimot nan laylaydem ay anakmo ken siya.”

Exodo 14:13

Dat kanan Moses ken daida en, “Adi kayo omegyat, papipigsaenyo nan nemnemyo et id wani ay agew awnit mailayo nan ikkan nan apo ay mangisalakan ken dakayo. Awnit adiyo et mail-ila kasin nan naayda ay iyEgipto.

Deuteronomio 6:24

Inbilin nan apo ay Dios tako en tongpalen tako am-in ay bilina ya patgen tako siya tapno gawis nan biyag tako datako pay matagotago ay kaneg nan ikakan tako id wani ay timpo.

Deuteronomio 8:16

Isdi gedan et inagtana dakayo is mana ay kanenyo ay makan ay egay polos tinamtamtaman din alal-apoyo id kasikasin. Inikkana dana ta mangpadasana ken dakayo tapno isnan odidina et pagawisena nan biyagyo.