Exodo 20:2 - Kalin Apo Dios

² “Sak-en nan apo ay Diosyo ay nang-ikaan ken dakayo id Egipto ay nabab-aaanyo.

Exodo 20:2 Iomraidhean Croise

Salmo 50:7

Kanan Apo Dios en, “Dengngenyo nan kanak, dakayo ay ipogawko, isnan mang-idalomak ken dakayo ay Israelita tay sak-en si Apo Dios ay Diosyo.

Salmo 81:10

tay sak-en nan apo ay Diosyo ay nang-ikaan ken dakayo id Egipto. Sak-en pay gedan nan mangidya isnan am-in ay masapolyo.

Salmo 81:11

Ngem egay kayet inidngen nan ipogawko sak-en. Owen, daida ay Israelita et egayda tinongpal sak-en.

Salmo 81:7

Isdin maligligatanyo et nindawat kayo ken sak-en et insalakanko dakayo. Isnan kad-ak id daya et sinongbatak dakayo isnan kido daket padasen dakayo isdin kawad-anyo isnan balaan id Meriba.

Exodo 15:26

Kinwanina ken daida en, “No tet-ewa ay tongpalenyo sak-en ta ikkanyo nan kanak en osto ya ikkanyo nan bilbilinko et adiyak dosdosaen dakayo isnan sakit ay inpalak-amko isnan iyEgipto tay sak-en nan apo ay makaagas ken dakayo.”

Exodo 20:1

Nakwas pay di dat ninkali si Apo Dios ken daida et siya dana nan kinwanina.

Exodo 6:6

Isonga kanam na isnan Israelita, ‘Sak-en nan apo, badangak dakayo ta mawayaan kayo isnan mendagsen ay ipaob-oblan nan iyEgipto ken dakayo. Ipailak nan panakabalinko isnan mangdosaak isnan iyEgipto ta isalakak dakayo.

Isaias 43:3

Tay sak-en nan apo ay Diosyo. Sak-en nan nadiosan ay Dios di Israel ay nang-isalakan ken dakayo. Bay-ak nan ili ay Egipto ta mawayaan kayo ya bay-ak nan il-ili ay Etiopia ya nan Seba.

Jeremias 31:33

Ngem siya na nan balo ay awnitko makitolagan isnan Israelita. Kanak en awnitak ipagtek nan lintegko ken daida. Owen, ipanemnemko ken daida ta adida polos kalkalingkingan ta sak-en nan Diosda et daida nan ipogawko.

Roma 10:12

Tay mabalin ay maitapi nan am-in. Tay maid nateknan nan Judio isnan baken Judio ken Apo Dios. Tay si Apo Dios nan Apon nan am-in et dadama nan badangna isnan am-in ay menpabadang ken siya.

Roma 3:29

Nan gapo ay baken nan mangtongpalan nan ipogaw isnan linteg Moses is gapo ay gawis nan pangiilaan Apo Dios ken daida et tay no keg todi kedkedeng nan Judio is maisalakan koma tay kedkedengda is mangtek isnan lintegna. Ngem baken di is tet-ewa tay olay no baken Judio et laklak-amen Apo Dios daida gedan.

Deuteronomio 5:15

Adiyo kalkalingkingan ay baa kayo id Egipto et sak-en ay apo ay Diosyo nan nang-isalakan ken dakayo isnan panakabalinko. Isonga sak-en ay apo ay Diosyo et ibilinko ken dakayo ay adi kayo men-obla isnan agew di illeng.

Deuteronomio 5:6

Sak-en nan apo ay Diosyo ay nang-ikaan ken dakayo id Egipto ay nabab-aaanyo.