Exodo 20:18 - Kalin Apo Dios

¹⁸ Issan nangdengngan san deeyday ipogaw issan kido ya tanggoyob dadapay ilaen san kimat ya men-as-asok ay bilig dadat pomayegpeg isnan egyatda dadapay omad-addawi issan bilig.

Exodo 20:18 Iomraidhean Croise

Genesis 15:17

Ostoy linomnek et nan agew ay bomolinget daet mawada nan men-as-asok ay pag-otowan ya nan menbidbidang ay silew ay lomaos isnan gawan san naamam-as ay talaken.

Genesis 3:10

Danat kanan, “Dinngek ay wadaka isnan galdin isonga inmegyatak daket men-gago tay ninlalabosak.”

Salmo 81:7

Isdin maligligatanyo et nindawat kayo ken sak-en et insalakanko dakayo. Isnan kad-ak id daya et sinongbatak dakayo isnan kido daket padasen dakayo isdin kawad-anyo isnan balaan id Meriba.

Jeremias 23:23

Dat kasin kanan nan apo en, “Sak-en nan Dios ay wawawawada isnan am-in ay baken kedkedeng isnan es-esa ay tean.

Deuteronomio 18:16

Isdin nadadagopanyo id kasin isnan bilig ay Sinai et ninpakpakaasi kayo ay adiyo layden ay kasin dengngen nan menkaliyan nan apo ay Diosyo wenno kasin ilaen nan apoy ay mang-ipaila isnan kad-ana tay kananyo en baka matey kayo.

Deuteronomio 4:36

Inpadngena ken dakayo nan kalina ay nagapo id daya tapno maisolowan kayo. Dat isnan batawa et inpailana ken dakayo nan menbidbidang ay apoyna ya nakikali ken dakayo isnan tengana.

Deuteronomio 5:5

Intaktakdegak pay gedan dakayo isnan apo ay mang-ipagpagtek isnan ibagbagana tay omegyat kayo isdin menbidbidang ay apoy et egay kayo tinmikid isnan bilig. Kinwanina en,