Exodo 20:17 - Kalin Apo Dios

¹⁷ Adiyo ap-apalan nan baey nan ib-ayo, nan asawana, nan baana, nan bakana, nan kabayona wenno kompolni ay kokwana.”

Exodo 20:17 Iomraidhean Croise

Genesis 3:6

Inilan san babai ay gawigawis san deey ay kaiw ya gawigawis gedan nan begasna is makan danat nemnemen ay kagagasing nan menbalin is masilib isonga dat pomoting et kanena danat agtan si asawana danat abes kanen.

Salmo 10:3

Nan managbasol et it-it-ekna nan ngawi ay panggepna ya ab-aboloyana nan agom danapay adiyan nan apo.

Salmo 119:36

Ipaipasnekmo ken sak-en ay mangtongtongpal isnan bilbilinmo ta baken nan kinaagom is nemnemnemek.

Isaias 57:17

Linigtak daida gapo isnan basbasolda ya kanaagomda daket dosaen daida dakpay binaybay-an daida ngem inkekedseda kayet et ikkanda nan laylaydenda.

Mateo 20:15

Ay maid kalintegak ay mang-ikkan isnan kayatko isnan sipingko? Ay mensakit nan nemnemmo tay manag-itedak?’”

Mateo 5:28

Ngem ibagak na ken dakayo, no wada ken dakayo nan mang-ila isnan babai danat nemnemnemen ay mangiseyep ken siya et law-en Apo Dios tay kaneg gedan mamabai.

Lucas 12:15

Danat itoloy ay mangwani ken daida am-in, “Makail-ilanyo ta adi kayo men-ap-apal. Tay nan tet-ewa ay katagowan di ipogaw et baken nan kaad-adon di bonagna is kagapowana.”

Lucas 16:14

San deeyday Fariseo et dinngeda san kinwanin Jesus isonga dadat sayoten siya tay dadama nan layadda isnan siping.

Aapostolis 20:33

Sak-en pay et egayak ninkedkedaw is sipingyo wenno badoyo.

Aapostolis 5:4

Isnan egayna kailakowan, kokwam. Et sik-a nan kigad is ikkam isnan lakona. Ngem dayon aped nemnemen ay mang-ikkan isnan naay? Baken met aped ipogaw nodi si Apo Dios nan pinadasyo ay sikapan.”

Roma 13:9

Tay nan bilbilin ay mangmangwani en adi kayo menkamkamolala ya adi kayo menpatpatey ya adi kayo mangak-akew ya adi kayo men-ap-apal wenno nan kompolmi ay tapin di bilin et matongpalda am-in isnan esay bilin ay mangwani en laylaydem nan iib-am ay kaneg nan manglaylaydam isnan awakmo.

Roma 7:7

Ay kanan tako ngen en ngawi nan linteg gapo isnan nang-am-amedan tako isnan ngawi isnan nangtekan tako isnan linteg? Baken. Tay no maid linteg et adiyak mailasin nan kangawin nan ogalik. Kaspangaligan no adi kanan nan linteg en adi kayo men-ap-apal et baken am-amed nan mangkaytak ay ikkan.

1 Corinto 6:10

Adi maitapi abes isnan mentolayan Apo Dios nan menpidpidit, nan mangak-akew, nan naimot, nan managsolbog ya nan botengan.

Efeso 5:3

Isonga adi kayo koma makikamkamolala ya men-ag-agom. Adi kayo aped mensodsodok isnan kaneg todi ay ngawi. Baken kaneg todi koma nan ikkan nan ipogaw Apo Dios.

Efeso 5:5

tay gegetken tako ay adi mabalin ay maitapi isnan mentolayan Kristo ya si Apo Dios nan mang-ik-ikkan is ngawi ay kaneg nan makikamkamolala ya nan naagom. Nan naagom et nan kinaagomna nan kinadiosna tay siya nan kapatgan ken siya.

Deuteronomio 5:21

Adiyo ap-apalan nan asawan nan ib-ayo, nan baeyna, nan payewna, nan baana, nan bakana, nan kabayona wenno kompolni ay kokwana.”

Filipos 3:19

Tay nan layden nan awakda et kedeng nan tongtongpalenda ay kaneg siya nan diosda. Et nan kababain ay maik-ikkan nan laydenda ay ipail-ila ya nan katatagowanda isnan batawa et kedeng nan apedda nemnemnemen. Ngem nan menbanaganda et madosdosada ay eng-enggana isnan impilno.

Colosas 3:5

Isonga masapol ay adyanyo ay mang-ikkan isnan am-in ay ngawi ay sigod ay ogalin di ipogaw isnan batawa ay kaneg nan mamabai ya lomalaki ya nan am-in ay layden nan awak ay ngawi. Baken kayo koma naagom tay nan naagom et nan kinaagomna nan kinadiosna tay siya nan kapatgan ken siya.

Hebreo 13:5

Adiyo gamgamgaman ay bomaknang nodi mapnek kayo isnan wada ken dakayo tay kinwanin Apo Dios en, “Adiyak polos taytaynan dakayo wenno mamaiden nan badangko ken dakayo.”