Exodo 20:12 - Kalin Apo Dios

¹² Tongpalenyo da amayo ken inayo tapno mabaybayag nan matagowanyo isnan daga ay idyak ken dakayo.

Exodo 20:12 Iomraidhean Croise

2 Aali 2:12

Inilan Eliseo na danat ipaonod ay mangwani en, “Sik-a Elias nan tet-ewa ay nangsalsalaknib isnan aap-on din si Israel.” Enggana di et egayna et kasin inil-ila si Elias. Dat gapo is seg-angna danat singaten nan badona.

Mateo 19:19

Masapol ay tongpalem da amam ken inam ya laylaydem nan iib-am ay keg nan pananglayadmo isnan awakmo.”

Marcos 10:19

Getkem met nan linteg Apo Dios ay kanana, ‘Adika menpatpatey, adika mamabai, adika mangak-akew, adika menpabpabasol isnan ib-am, adika men-al-allilaw ya masapol ay tongpalem da amam ken inam.’”

Marcos 7:10

Tay inbagan din si Moses isdin inpasolat Apo Dios ken siya en, ‘Masapol ay tongpalenyo da amayo ken inayo,’ ya kanana gedan en, ‘Nan komali is ngawi isnan amana wenno inana et maipapatey.’

Lucas 18:20

Getkem nan linteg Apo Dios ay kanana en, ‘Adika mamabai, adika menpatpatey, adika men-ak-akew, adika menpabpabasol isnan ib-am ya masapol ay tongpalem da amam ken inam.’”

Efeso 5:21

Menpinateg kayo tay siya nan layden Kristo ay Apo tako ay ikkanyo.

Deuteronomio 11:8

Dat itoloy Moses ay mangwani en, “Tongpalenyo nan ibagbagak ken dakayo id wani. No siya di nan ikkanyo et makagdang kayo isnan Ginawang ay Jordan ta menkowayo nan daga ay ngannganiyo omdanan.

Deuteronomio 11:9

Et awnit mabaybayag nan matatagowanyo isnan deey maloweb ay daga ay inkalin nan apo en idyana isdin alal-apoyo ya isnan ap-oda.

Deuteronomio 32:47

tay nan naayda ay maisolsolo et baken aped kali et kedeng nodi daida nan kanegyo katagowan. Tongpalenyo dana et awnit mabayag nan matatagowanyo isnan daga ay ngannganiyo kowaen ay dedemangen nan Ginawang ay Jordan.”

Deuteronomio 4:40

Dayopay tongpalen nan linteg ya bilbilina ay ibagbagak ken dakayo id wani tapno gawis nan biyagyo ya nan an-akyo ya ap-oyo tapno mabaybayag nan matatagowanyo isnan daga ay inidyan nan apo ay Diosyo ay kowayo ay eng-enggana.”

Deuteronomio 5:16

Tongpalenyo da amayo ken inayo tay siya nan bilin nan apo ay Diosyo tapno gawis nan biyagyo ya tapno mabaybayag nan matatagowanyo isnan daga ay idyak ken dakayo.

Deuteronomio 6:2

Isnan matatagowanyo et masapol ay dakayo ya nan an-ak ya ap-oyo et patgenyo nan apo ay Diosyo ta mangtongpalanyo isnan am-in ay lintegna ay inbagbagak ken dakayo tasiyay mabaybayag nan matatagowanyo isnan deey ay daga.

Colosas 3:20

Dakayo ay ongong-a, patiyenyo nan am-in ay ibagan nan ama ya inayo tay siya nan mangpagasing ken Apo Dios.