Exodo 2:3 - Kalin Apo Dios

³ Ngem masiksiksiken san onga et maligatan san inana ay mangigagago isonga dat omala is linaga ay tampipi et ponitana am-in nan somgepan di danom. Danat ippey san onga isnan leemna danat iyey et taynana isnan kad-an di anando ay tannobong isnan benget di ginawang.

Exodo 2:3 Iomraidhean Croise

Genesis 11:3

Dadat men-asikwani ay men-et-etek, “Ala, mensapo tako is gawigawis ay ili isna. Mensaad tako pay is andoando is baey ay omdan id daya tasiyay masdaaw am-in nan ipogaw no ilaenda nan inikkan tako ya ta adi tako kaiwakat isnan batawa.” Isonga dadat men-ala is kolayeng et poowanda tasiyay komenteg ay kaneg bato dadapay men-ala is niket ay mang-ipket isnan kolayeng isnan mangtopinganda.

Genesis 6:14

Ngem sik-a Noe et mensapoka is dakedake ay bapol ay kaiw ay kaneg kahon tasiyay adi kayo malimon ay sinbaey. Nan bapol ay awnitmo sapowen et masapol ay pakpakam is niket nan leemna ya nan deyana tasiyay adi makasgep nan danom.

Exodo 1:22

Dat bilinen nan alin di Egipto nan ipogawna et kanana ken daida en, “Enkayo alaen am-in ay kaiyan-anak ay lalaki ay Hebreo ta iwasityo daida isnan ginawang ay Nile ngem bay-anyo nan bababai ay matago.”

Isaias 35:7

et nan menpoos ay naaango ay lota et menbalinda ay posong tay awnit ado nan menbala ay danom. Isnan logal ay naaango nan lota ay tean di atap ay aso et menbalin ay pagtobowan di tannobong ya balili.

Mateo 2:13

Idi kinmaan san mamasilib dat kasin menpaila nan anghel Apo Dios isnan iitaw Jose ay mangwani ken siya en, “Bomangonka ta eyeymo ay dagos nan onga yas inana id Egipto dakayot mentee isdi engganay ibagak en somagong kayo kasin. Tay ipaan-anap Herod nan onga ta ipapateyna.”

Mateo 2:16

Issan nanggetkan Herod ay sinikapan san mamasilib ay aamam-a siya dat dadama nan ligetna isonga danat ibilin ay mapatey am-in ay oongong-a ay lalaki id Betlehem ya isnan am-in ay ili ay sag-ena. Pinateyda am-in ay lalalaki ay kabalbala engganay mentew-en is dowa tay doway tew-en san nallos issan nang-ilaan san mamasilib ay aamam-a issan talaw.

Aapostolis 7:19

Nan ali et siniksikapana din alal-apo tako et pinaligatna daida ya inpapatina ay mabaybay-an nan kaengaenga ta mateyda tasiyay adida omad-ado.