Exodo 2:21 - Kalin Apo Dios

²¹ Inmeyda inayagan si Moses et makkey isnan baeyda et makitee isdi. Dat ipaasawan Jetro ken Moses nan anakna ay si Sefora.

Exodo 2:21 Iomraidhean Croise

Exodo 2:10

Masiken pay san onga dat isagong inana issan anak di ali et inbilang et san anak di ali ay anakna. Danat kanan en, “Gapo tay dinas-ak isnan kad-an di danom isonga ngadnak is Moses.”

Exodo 2:20

Dat sooten san amada en, “Into pay nan kad-ana? Dakayon aped tinaynan isdi? Enkayo ayagan ta makikan ken datako.”

Exodo 3:1

Isnan naminsan ay agew ay ipaspastol Moses nan kalnilo ya kalding katogangana ay Jetro ay padi id Midian et inpadaana nan ipaspastolna isnan naango ay pondag engganay inomdanda id Sinai ay bilig ay awnit menpap-ailaan Apo Dios.

Exodo 4:18

Nakwas pay di dat somaa si Moses issan baey Jetro ay katogangana et kanana ken siya en, “Pangaasim kad ama ta palobosam sak-en ay somagong isnan kakabagyak id Egipto ta omeyak ilaen daida no kasano nan biyagda.” Dat palobosan Jetro et kanana ken Moses en, “Omeyka baw, sapay koma ta gawis nan omayam.”

Aapostolis 7:29

Idi dinngen Moses san kinwanina dat omegyat et linmayaw ay omey id Midian. Nakiasawa isdi et isdi nan naiyanakan nan doway an-akna ay lalalaki.

1 Timoteo 6:6

Tet-ewa ay wada nan kinabaknang tako ay mamati ken Apo Dios ngem baken siping wenno bonag. Basta mamapnek tako isnan wada ken datako et siya nan kinabaknang tako.

Hebreo 11:25

Nan gapo na et tay gag-awis isnan nemnemna no maitapi siya isnan ipogaw Apo Dios ay mapalpaligatan mo nan mangdokogana ken Apo Dios ta kigad siya ay mang-ikkan isnan laylaydena tay getkena ay nan biyag di ipogaw isnan batawa et sin-awyan et kedeng.

Hebreo 13:5

Adiyo gamgamgaman ay bomaknang nodi mapnek kayo isnan wada ken dakayo tay kinwanin Apo Dios en, “Adiyak polos taytaynan dakayo wenno mamaiden nan badangko ken dakayo.”

Santiago 1:10

Ngem dakayo ay babaknang ay mamati ken Kristo et men-gasing kayo koma no ipapagowab nan adi mamati dakayo tay olay no baknang ngem nan biyag et kaneg sabsabong ay sin-awyan dat may-osan et maango.