Exodo 2:20 - Kalin Apo Dios

²⁰ Dat sooten san amada en, “Into pay nan kad-ana? Dakayon aped tinaynan isdi? Enkayo ayagan ta makikan ken datako.”

Exodo 2:20 Iomraidhean Croise

Genesis 18:5

dakpay omala gedan is bassit ay makan ta waday ikilegyo ay mendaan ay omey is ayanyo. Dadama nan gasingko isnan inmaliyanyo isnan baeyko.” Dadat kanan, “Men-gasing kami abes ay inmali isnan kad-anyo.”

Exodo 2:19

Dadat kanan en, “Wada nan iyEgipto ay nangbadang ken dakami issan mangipakaanan san menpaspastol ken dakami isnan pagsakdowan. Insakdowana dakami danapay binadangan dakami ay mangpainom issan talaken tako.”

Exodo 2:21

Inmeyda inayagan si Moses et makkey isnan baeyda et makitee isdi. Dat ipaasawan Jetro ken Moses nan anakna ay si Sefora.

1 Timoteo 5:10

Masapol abes ay waday mangpaneknek isnan gawis ay inik-ikkana ay kaneg nan gawis ay nang-ay-ayowanana isnan an-akna ya isnan in-inmey ken siya ay sangailina. Egayna saksakiten ay nang-ik-ikkan isnan naibab-aaana. Binadbadangana nan napaligatan ay ipogaw. Ninemnemnemna ay pilmi nan gawis ay ikkan isnan am-iam-in ay inik-ikkana.

Hebreo 13:2

Sangailiyenyo ay gawis nan sangaili tay id kasin et wadada nan nang-ikkan dat anghel obpay nan sinangailida.