Exodo 2:14 - Kalin Apo Dios

¹⁴ Dat songbatan san nakabasol et kanana en, “Ay sino nan nangdotok ken sik-a ay mentolay ya mang-banag ken dakami? Ay pateyem abes sak-en ay kaneg san inikkam issan esay iyEgipto?” Dat inmegyat si Moses et kanana isnan nemnemna en, gintekda et obpay san inikkak.

Exodo 2:14 Iomraidhean Croise

Genesis 13:8

Dat kanan Abram ken Lot, “Kaanakak sik-a et nan babaam ya nan babaak et adida koma mensapsape isonga masapol ay mensiyanta.

Genesis 19:9

Ngem kinwanida kayet, “Bay-am dakami. Inmalika ay aped nakiili ken dakami dat sik-a nan aped mangibagbaga is ikkanmi? Komaanka issa! No adi et am-amed nan ikkanmi ken sik-a no daida!” Dadat goyoden si Lot et engewenda koma nan eneb

Mateo 21:23

Dat somagong si Jesus isnan Templo ay men-isolo dat omey ken siya nan aamam-a ya nan menkangangato ay papadi et kananda en, “Ibagam kad ken dakami no ngan nan kalebbengam ay mang-ik-ikkan isnan am-in ay ik-ikkam. Ay sino nan nang-ited ken sik-a isnan lebbengmo?”

Lucas 12:14

Ngem dat kanan Jesus, “Kigad kayo adi tay egayak inmali ay mangbanag isnan tawidyo.”

Lucas 19:14

Ngem kaliliget nan kailiyana siya isonga dadat omibaa is mang-onod ken siya ta enda ibaga isnan mangdotok ay adida layden siya is men-alida.

Lucas 19:27

Danat kanan pay, ‘Nan deeyda ay mangbosboso ay adi mangkayat ay men-aliyak et iyaliyo daida ta pateyenyo isnan sasagangek.’”

Aapostolis 7:35

Dat itoloy Esteban ay mangwani en, “Din si Moses ay egay dinawat din kadalaana ay nangwaniyanda en, ‘Ayke waday lebbengmo ay men-apo ken dakami ya mangibanag isnan ik-ikkanmi?’ et siya kayet nan inbaan Apo Dios ay men-apo ya mangipalobos ken daida isnan napalpaligatanda. Et nan anghel ay ninpaila ken siya issan kaiw et binadbadangana siya.

Hebreo 11:27

Gapo isnan pammatina et tinaynana id Egipto ya maid egyatna isnan liget nan ali ken siya isnan nang-ikkanana isdi. Maid polos sokat nan pammatina tay kegna inila si Apo Dios ay adi kaila.