Exodo 19:9 - Kalin Apo Dios

⁹ Dat kanan nan apo ken Moses en, “Awnitak omali ken sik-a ay maitatapi isnan menselelede ay liboo tapno dengngen nan ipogaw nan makikalkaliyak ken sik-a dadat patiyen sik-a koma ay eng-enggana.” Et inbagan Moses isnan apo nan kinwanin nan kaipoipogaw.

Exodo 19:9 Iomraidhean Croise

Salmo 97:2

Liliwesen pay di liboo et mabobolingetan siya. Kinalinteg ya kinaosto nan pegnad di mentolayana.

Salmo 99:7

Isnan napoponok ay liboo nan ninkaliyana isnan ipogawna. Tinongpalda nan isolsolona ya tinongpalda nan linteg ay inidyana ken daida.

Exodo 14:31

Inmegyat ya nasdaaw san Israelita isnan inilada ay panakabalin nan apo isnan nang-abakana issan iyEgipto dadaet mamati isnan apo ya ken Moses ay baana.

Exodo 19:16

Dat isnan wakgat pay isnan maikatlo ay agew dat menkido dapay menkimat issan bilig ya wada pay nan menselelede ay liboo dat dengngen nan kaipoipogaw nan napinapigsa ay tanggoyob dadat pomayegpeg isnan egyatda.

Exodo 20:21

Ngem dat kayet itatakdeg nan deeyday ipogaw isnan ad-addawi dapay somag-en si Moses issan menbolilinget ay liboo ay kad-an Apo Dios.

Exodo 34:5

Dat lomayog nan apo ay naitatapi isnan liboo et tomakdeg isnan sag-en Moses danat kanan nan ngadana ay apo.

Exodo 4:31

et namati nan Israelita. Idi dinngeda ay inmey nan apo ay nang-ila ken daida ya gintekna nan mangpalpaligatan di iyEgipto ken daida dadat menpalintomeng ay mendayaw.

Exodo 4:5

Dat kasin kanan nan apo en, “Siya di nan ikkam tapno patiyenda ay ninpaila ken sik-a nan apo ay Dios din alal-apoda ay da Abraham, Isaac ya si Jacob.”

Mateo 17:5

Daan ay menkalkali si Pedro daet mawanada nan somili ay liboo ay manglingeb ken daida. Dadat dengngen nan kali ay nagapo isnan liboo ay mangwani, “Si tona nan Anakko ay laylaydek. Men-galalasingak gapo ken siya isonga dengngenyo nan kankanana.”

Marcos 9:7

Dadat malilingban isnan liboo dadat dengngen nan kali ay nagapo isnan liboo ay mangwani, “Si tona nan Anakko ay laylaydek. Dengngenyo nan kankanana.”

Lucas 10:16

Dat kanan Jesus isnan papasolotna, “Nan mangidnge ken dakayo et sak-en nan idngeda, et nan mang-adi ken dakayo, sak-en nan adyanda ya nan mang-adi ken sak-en et si Apo Dios abes ay nangibaa ken sak-en nan adyanda.”

Deuteronomio 4:10

nan maipanggep isnan agew ay tinmakdeganyo isnan apo ay Diosyo isnan bilig ay Sinai isdin nangwaniyana ken sak-en en, ‘Dagopem nan sanada ay ipogaw. Kaytek ay dengngenda nan kanak tapno solowenda ay mangpati ken sak-en isnan matatagowanda ya tapno ibagbagada isnan an-akda ta tongpalenda abes sak-en.’

Deuteronomio 4:36

Inpadngena ken dakayo nan kalina ay nagapo id daya tapno maisolowan kayo. Dat isnan batawa et inpailana ken dakayo nan menbidbidang ay apoyna ya nakikali ken dakayo isnan tengana.

Naipagtek 1:7

Nemnemen tako nan naay, tet-ewa ay awnit somagong si Jesus isna ay maikawit isnan liboo. Awnit ilaen nan am-in ay ipogaw siya. Olay din nangdoy-ok ken siya isnan nateyana et awnitda gedan ilaen. Awnit kasiaadawag am-in ay ipogaw isnan batawa gapo isnan egyatda ken siya. Tet-etet-ewa na.