Exodo 19:8 - Kalin Apo Dios

⁸ Dat kanan nan deeyday ipogaw en, “Owen, tongpalenmi am-in ay inbagan nan apo.” Dat omey si Moses et ipagtekna isnan apo nan kinwanida.

Exodo 19:8 Iomraidhean Croise

Exodo 20:19

Dadat kanan ken Moses en, “Dengngenmi no sik-a nan menkali ngem no si Apo Dios nan makikali ken dakami et waay matey kami is egyatmi.”

Exodo 24:3

Dat omey ibagan Moses isnan deeyday ipogaw nan am-in ay naibaga ya inbilin nan apo. Dat kanan am-in san deeyday ipogaw en, “Owen, ikkanmi am-in ay inbagan nan apo.”

Exodo 24:7

Danat alaen san naisolatan di bilin nan apo et ibibiyadna ay mangbasa ta dedengngen nan ipogaw. Dadat kanan en, “Patiyenmi nan apo et tongpalenmi am-in ay bilina.”

Exodo 4:31

et namati nan Israelita. Idi dinngeda ay inmey nan apo ay nang-ila ken daida ya gintekna nan mangpalpaligatan di iyEgipto ken daida dadat menpalintomeng ay mendayaw.

Josue 24:21

Dadat kanan ken Josue en, “Baken sa, kaytenmi met a ay mensilbi isnan apo.”

Josue 24:24

Dadat kanan ken Josue en, “Mensilbi kami isnan apo ay Dios tako ya tongpalenmi nan bilbilina.”