Exodo 19:5 - Kalin Apo Dios

⁵ Et no patiyenyo sak-en ya tongpalenyo nan inkalik et awnit dakayo nan ipogawko. Kowak nan batawa ngem dakayo nan napili ay ipogawko.

Exodo 19:5 Iomraidhean Croise

Genesis 17:9

Intoloy Apo Dios ay mangwani ken Abraham, “Nan ikkanyo abes et masapol ay tongtongpalenyo sak-en ay Diosyo, dakayo ya nan aap-oyo.

Salmo 135:4

Dayawenyo nan apo tay pinilina nan aap-on din si Jacob ay daida ay Israelita ta men-ipogawna.

Salmo 24:1

Nan batawa ya nan am-in ay wada isna et kowan nan apo. Owen, nan daga ya nan am-in ay mentetee is dana et kowana gedan.

Salmo 25:10

Nan apo et matalek ya maid patenggan nan layadna isnan am-in ay mangtongpal isnan tolag ya lintegna.

Exodo 15:26

Kinwanina ken daida en, “No tet-ewa ay tongpalenyo sak-en ta ikkanyo nan kanak en osto ya ikkanyo nan bilbilinko et adiyak dosdosaen dakayo isnan sakit ay inpalak-amko isnan iyEgipto tay sak-en nan apo ay makaagas ken dakayo.”

Exodo 24:7

Danat alaen san naisolatan di bilin nan apo et ibibiyadna ay mangbasa ta dedengngen nan ipogaw. Dadat kanan en, “Patiyenmi nan apo et tongpalenmi am-in ay bilina.”

Exodo 34:9

Danat kanan en, “apo, no tet-ewa ay kagagasingmo sak-en et dawatek ay makkeyka ken dakami. Nasokil nan naayda ay ipogaw ngem pakawanem nan kangawimi ya nan basbasolmi ta dawatem dakami ay men-ipogawmo.”

Exodo 6:7

Menbalinek dakayo ay ipogawko et sak-en nan Diosyo. Et awnityo mangtekan ay sak-en nan apo ay Diosyo ay nangwaya ken dakayo isnan dadama ay naligat ay ipaob-oblan nan iyEgipto ken dakayo.

Exodo 8:22

Ngem isnan agew ay deey et adiyak itapi nan ili ay Gosen ay kad-an nan ipogawko tapno maid ngilaw isdi et siya nan mangtekam ay sak-en ay apo et wadaak isnan batawa.

Exodo 9:29

Dat kanan Moses en, “Pagbalak isnan naay ili daket ipangato nan ledengko ay menlowalo isnan apo ta somaldeng nan naay kido ya dalalo et siya nan panggetkam ay kowan nan apo nan batawa.

Isaias 1:19

Basta kitdi tongpalenyo sak-en et awnit gawis nan biyagyo et mangmangan kayo isnan ganagwis ya men-imis ay bongan nan dagayo.

Isaias 43:1

Sik-a ay ili ay Israel, kanan nan apo ay nangboliw ken sik-a en, “Adika omegyat tay isalakak sik-a. Dakayo ay iyIsrael, inayagak dakayo et menbalin kayo ay ipogawko.

Isaias 56:4

Tay kanan nan apo isnan keg datona ay ipogaw en, “No dayawenyo sak-en isnan mang-ingilinanyo isnan agew di illeng ya ikkanyo nan mangpagasing ken sak-en dakayopay tet-ewa ikkan nan nintolagan tako

Amos 3:2

Kanana en, “Isnan am-in ay il-ili isnan batawa et kedkedeng kayo is pinilik ay ipogawko. Siya na nan mangpadagsen isnan basbasolyo isonga masapol ay dosaek dakayo.

Amos 6:1

Kaseseg-ang kayo, dakayo ay nanam-ay nan biyagna id issa Sion ya dakayo id issa Samaria ay mangipagalop ay maid om-ommat ken dakayo, dakayo ay makmakwani en aap-apon nan naay ay madmadnge ay ilin di Israel ya menpabadngan koma di ipogaw.

Malakias 3:17

Dat kanan nan manakabalin ay apo en, “Isnan agew ay menbanagak et awnit daida nan osto ay ipogawko. Awnitak seg-angan daida ay kaneg nan mangseg-angan di ama isnan anakna ay mensilbi ken siya.

1 Corinto 10:26

Mabalin ay kanenyo tay nan batawa ya nan am-in ay wada et kowan Apo Dios.

1 Corinto 10:28

Ngem no waday mamati isdi is mangwani ay naiboyag isnan sinang didios dakat adi kanen tay siya nan mangipaila ay basol isnan nemnemna no kanem. Isonga adim kanen tapno adi masaktan nan nemnemna. Waay wada nan mangwani en, “Aytay daken adi kanen dakpay getken ay baken basol di?” Kananda pay en, “Dan masapol ay solotek nan nemnem di esa dapay baken osto nan nemnemna?

Deuteronomio 11:27

Mabindisyonan kayo no tongpalenyo nan bilbilin nan apo ay Diosyo ay ibagak ken dakayo id wani.

Deuteronomio 4:20

Ngem dakayo nan insalakana id Egipto isnan dadama ay ligatyo ta menbalinena dakayo ay ipogawna ay kaneg id wani.

Deuteronomio 5:2

Isdin kawad-an tako isnan bilig ay Sinai et nakitolag nan apo ay Dios tako isnan Israelita

Tito 2:14

Tay siya nan nang-ited isnan biyagna ay mangsobot ken datako ta adi tako itoltoloy ay mang-ikkan isnan ngawi. Natey siya tapno madalosan tako ay ipogawna ay mangkaykayat ay mang-ikkan isnan gawis.

Hebreo 11:8

Nan pammatin Abraham abes nan gapo ay inidngena nan inbagan Apo Dios ken siya. Kinwanin Apo Dios en, “Taynam nan naay ay ilim ta omeyka isnan teken ay awnitak ited ken sik-a.” Dat tet-ewa patiyen Abraham ay olay egayna gintek nan ili ay omayana.

Hebreo 8:9

Baken paliso isnan nakitolagak isnan alal-apoda id kasin isdin nangbadangak ken daida ay komaan id Egipto tay egayda tinongtongpal nan nakitolagak ken daida. Siya di nan gapo ay binaybay-ak daida.

Josue 24:24

Dadat kanan ken Josue en, “Mensilbi kami isnan apo ay Dios tako ya tongpalenmi nan bilbilina.”

1 Pedro 2:9

Ngem bakenyo kaneg nan mang-adi ay mangpati ken Kristo tay napili kayo ay ipogawna. Masilbi kayo ay ipogaw ay os-osalen nan Ali ay si Kristo ay kaneg nan papadi ay mensilsilbi ken Apo Dios. Insiyan Apo Dios dakayo isnan adi mamati tay inalana dakayo ay ipogawna. Pinilin Apo Dios dakayo ay ipogawna ta ibagayo isnan tapin di ipogaw nan gawigawis ay ik-ikkana. Siya nan nang-ayag ken dakayo ta taynanyo nan ngawi tapno makitee kayo ken siya isnan am-in ay kagawisna. Kanegna kinaan datako isnan menbolinget et iyeyna datako isnan menpalalat-a.