Exodo 19:3 - Kalin Apo Dios

³ Dat tomikid si Moses isnan bilig ay makikali ken Apo Dios. Dat kanan nan apo ay wada isnan toktok di bilig ken Moses en, “Siya na nan ibagam isnan Israelita ay aap-on din si Jacob.

Exodo 19:3 Iomraidhean Croise

Exodo 19:20

Dat lomayog nan apo isnan toktok nan deey ay bilig ay Sinai et patikidena si Moses.

Exodo 20:21

Ngem dat kayet itatakdeg nan deeyday ipogaw isnan ad-addawi dapay somag-en si Moses issan menbolilinget ay liboo ay kad-an Apo Dios.

Exodo 24:12

Dat kasin kanan nan apo ken Moses en, “Omalika ken sak-en isnan bilig et no wadaka isna daket idya ken sik-a nan dowa ay nadadampig ay bato ay nangisolatak isnan linteg ya bilbilin ay itdom isnan ipogaw.”

Exodo 24:13

Dat mensagana da Moses ya nan kabadangna ay si Josue et tomikidda dat itoloy Moses isnan bilig ay kad-an Apo Dios.

Exodo 3:12

Dat kanan Apo Dios ken siya en, “Wawawawadaak ken sik-a. Nan mangpaneknek ken daida ay sak-en nan nangibaa ken sik-a et nan mangipangowam isnan ipogawko ay komaan id Egipto ay omali isna ta daydayawenyo sak-en isnan naay bilig.”

Exodo 3:4

Idi mailan Apo Dios ay somagsag-en si Moses dat menkali isnan tengan san kaiw et kanana en, “Moses, Moses.” Dat somongbat si Moses ay mangwani en, “Ayta Apo, naayak ya.”

Exodo 34:2

Dakat mensagana isnan masapa is wakgat ay tomikid isnan bilig ay Sinai ta mang-ilaka isnan toktok nan bilig.

Exodo 34:4

Dat tet-ewa mensagana si Moses is dowa ay nadadampig ay bato et kawakgatana pay danat itikid dana isnan bilig ay Sinai ay kaneg san inbagan nan apo.

Aapostolis 7:38

Nakidagop met laeng si Moses isdin alal-apo tako isnan bilig ay Sinai ay makitoya ken Apo Dios. Danat dawaten nan naisolat ay linteg ay naidya ken datako ay adi makak-aan ay eng-enggana.