Exodo 19:18 - Kalin Apo Dios

¹⁸ San bilig ay Sinai et malilingban isnan asok tay linmayog nan apo ay naitatapi isnan apoy isnan toktok nan deey ay bilig dat menpangato nan asok ay kaneg nan asok di mapop-oowan ay bilig. Et pilmi ay menpaypayegpeg nan deeyday ipogaw gapo isnan egyatda.

Exodo 19:18 Iomraidhean Croise

Genesis 11:5

Idi sas-aadenda di dat ilaen nan apo nan ili ya nan andoandoando ay baey ay sapsapowenda

Genesis 15:17

Ostoy linomnek et nan agew ay bomolinget daet mawada nan men-as-asok ay pag-otowan ya nan menbidbidang ay silew ay lomaos isnan gawan san naamam-as ay talaken.

Genesis 19:28

Inosdongana id Sodoma, id Gomorra ya nan il-ili ay sag-enda ngem asok et kedeng nan maiila.

Nehemias 9:13

Ginomwabka pay isnan bilig ay Sinai dakat nakitoya isnan ipogawmo isnan nangidyam isnan gawis ay bilbilinmo ya isnan ostoosto ay insolsolom.

Salmo 104:32

Menyegyeg nan batawa isnan mang-ilaan nan apo ya no sikgadena nan bilbilig et omasokda.

Salmo 114:4

Adi makakin-e nan bilbilig ya nan nadodontog ay kanegda nan mentagtagtag ay kalding ya kalnilo.

Salmo 114:7

Menyegyeg nan batawa isnan omaliyan nan apo. Owen, menyegyeg isnan kawad-an nan Dios din si Jacob,

Salmo 144:5

apo, tokabam nan daya ta gomowabka dakat paasoken nan bilbilig ay mangipaila isnan panakabalinmo.

Salmo 18:9

Danat pewaken nan daya ta gomwab siya ay gagatinana nan menngitit ay liboo.

Salmo 68:9

Pinaodanmo is ado et yomam-es kasin nan namegaan ay lota ay inpatawidmo

Salmo 77:18

Napinapigsa nan kidom ya nan batawa et masilawan isnan kimat et makibtot dat menpayegpeg nan batawa.

Salmo 77:19

Nindaanka isnan baybay ya gindangmo nan adaem ay danom ngem adi kaila nan gatinmo.

Exodo 19:13

Magayang wenno mapanaan nan ipogaw ay gomdang isnan pengpeng tay masapol ay adiyo sagsag-enen nan epdas ginomdang. Maikkan na isnan ipogaw wenno talaken tay masapol ay mapatey nan omey isnan bilig. Ngem no naipakali nan tanggoyob dat somag-enet nan deeyda ay ipogaw isnan bilig.”

Exodo 19:17

Dat ipangon Moses san deeyday ipogaw et omeyda isnan kad-an Apo Dios et itakdegda issan gogowaben san bilig.

Exodo 20:18

Issan nangdengngan san deeyday ipogaw issan kido ya tanggoyob dadapay ilaen san kimat ya men-as-asok ay bilig dadat pomayegpeg isnan egyatda dadapay omad-addawi issan bilig.

Exodo 3:2

Dat menpaila ken siya isdi nan anghel Apo Dios ay kaneg menbidbidang ay apoy isnan tengan di kaiw. Inilan Moses ay menbidbidang san kaiw ngem adi kangkangkangpos.

Exodo 34:2

Dakat mensagana isnan masapa is wakgat ay tomikid isnan bilig ay Sinai ta mang-ilaka isnan toktok nan bilig.

Isaias 6:4

Dat nin-iwedwed nan day-engda nan pegnad di Templo et mapno nan Templo is asok.

Isaias 64:1

“apo, tokabam koma nan daya ta gomwabka. No ikkam et pomayegpeg nan bilbilig is egyatda.

Habakuk 3:6

No isaldengna et menyegyeg nan batawa. Menpayegpeg nan kaipoipogaw no ilaena daida. Nan makneg ay bilbilig et magdayda, nan bilbilig ay nindad-aanana isdin on-onana et makyosda.

Mateo 24:7

Awnit men-asigobat nan kailiili ya kaneg abes nan kagobigobilno ya awnit wada gedan nan kabitibitil ya yegyeg isnan natkenatken ay il-ili.

Deuteronomio 33:2

“Ninpaila nan apo isnan bilig ay Sinai. Nan silangna et kaneg nan tomag-adan nan agew id Edom. Ninlinang nan silawna isnan bilig ay Paran et menlinang isnan ipogawna. Simpoo ay libo ay aanghel nan naiboboweg ken siya ya wada nan menbidbidang ay apoy isnan makanawana.

Deuteronomio 4:36

Inpadngena ken dakayo nan kalina ay nagapo id daya tapno maisolowan kayo. Dat isnan batawa et inpailana ken dakayo nan menbidbidang ay apoyna ya nakikali ken dakayo isnan tengana.

Deuteronomio 5:4

Et id isdi et nakikali nan apo ken dakayo isnan menbidbidang ay apoy.

2 Tesalonica 1:7

Tay awnit omdan nan timpo ay maiden Apo Dios nan am-in ay ligat ay om-ommat ken datako id wani. Awnit tako somingpa isnan kasin omaliyan nan Apo tako ay si Jesus. Et makkey ken siya nan aanghelna ay mangipaila isnan pilmi ay kabaelana. Isnan omaliyana kasin ay magapo id daya et kaneg menbidbidang ay apoy nan awakna.

2 Tesalonica 1:8

Et dosaena nan ipogaw ay mang-ad-adi ay mangtek ken Apo Dios ya adi mangpatpati isnan gawis ay damag ay maipanggep ken Jesus ay Apo tako.

Hebreo 12:18

Itoltoloy tako ay mamati ay ostoosto tay gag-awis nan balo ay tolag Apo Dios mo nan damdamo ay intedna isnan Judio id kasin. Tay baken et kaeegyat nan ipagpagtek Apo Dios ken datako ay kaneg nan inpap-ailana ken daida. Tay adi tako iiilaen nan bilig ay makwani en Sinai ay menbidbidang. Adi menpail-ila ken datako nan napigsa ay dagem ya nan menbolilinget ay olay isnan kag-aw.

Hebreo 12:26

Gapo isnan kabaelan Apo Dios et ninyegyeg nan batawa isdin nakikaliyana ken Moses id kasin ngem kinwanina en id wani et baken kedeng nan batawa is ipayegyegna nodi itapina nan daya gedan.

2 Pedro 3:10

Ngem awnit omdan tet-ewa nan agew ay omali kasin si Kristo ay kaneg nan omaliyan di mangakew tay maid makagtek isnan ommatana. Isnan ommatana et madnge nan lolon nan daya ay maomas ya aped malonag nan am-in ay mentetee isdi dapay mapoowan gedan nan batawa ya am-in ay mentetee.

Naipagtek 15:8

Dat mapno nan Templon Apo Dios is asok ay mangipaila isnan panakabalina ya nan kinangatona. Isonga maid makasgep isdi engganay makwas nan pito ay ligat ay ikkan nan pito ay anghel.

Naipagtek 9:2

Danat lokatan nan lengaw dat bomala nan adoado ay asok ay kaneg asok di dakedake ay apoy et salinana nan agew. Isonga binmolinget nan batawa gapo isnan kaeegyat ay asok ay nagapo isnan lengaw.