Exodo 19:16 - Kalin Apo Dios

¹⁶ Dat isnan wakgat pay isnan maikatlo ay agew dat menkido dapay menkimat issan bilig ya wada pay nan menselelede ay liboo dat dengngen nan kaipoipogaw nan napinapigsa ay tanggoyob dadat pomayegpeg isnan egyatda.

Exodo 19:16 Iomraidhean Croise

Salmo 50:3

Omal-ali nan Dios tako et adina et igiginek. Wada nan omon-on-ona ay apoy ay menbidbidang isnan sagangna ya napigsa ay lemlem isnan liliwesena.

Salmo 77:18

Napinapigsa nan kidom ya nan batawa et masilawan isnan kimat et makibtot dat menpayegpeg nan batawa.

Salmo 81:8

Dakayo ay ipogawko, dengngenyo nan ibagbagak ken dakayo. Owen, idngeyo koma sak-en dakayo ay Israelita.

Salmo 97:4

Silawan nan kimatna nan batawa dat mawedwed et omegyat nan wada isnan batawa.

Exodo 19:11

Dadat mensagana is katlona tay isnan deey ay agew et awnitak gomowab isnan bilig ay Sinai tapno ilaen am-in nan ipogaw sak-en.

Exodo 19:15

Dat kanan Moses ken daida en, “Masapol ay is katlona et nakasagana kayo et ya adiyo on-ona id-idlen nan as-awayo.”

Exodo 19:17

Dat ipangon Moses san deeyday ipogaw et omeyda isnan kad-an Apo Dios et itakdegda issan gogowaben san bilig.

Exodo 19:9

Dat kanan nan apo ken Moses en, “Awnitak omali ken sik-a ay maitatapi isnan menselelede ay liboo tapno dengngen nan ipogaw nan makikalkaliyak ken sik-a dadat patiyen sik-a koma ay eng-enggana.” Et inbagan Moses isnan apo nan kinwanin nan kaipoipogaw.

Exodo 20:18

Issan nangdengngan san deeyday ipogaw issan kido ya tanggoyob dadapay ilaen san kimat ya men-as-asok ay bilig dadat pomayegpeg isnan egyatda dadapay omad-addawi issan bilig.

Exodo 20:21

Ngem dat kayet itatakdeg nan deeyday ipogaw isnan ad-addawi dapay somag-en si Moses issan menbolilinget ay liboo ay kad-an Apo Dios.

Exodo 9:23

Dat ingaton Moses nan sokodna id tag-ey et ipaey nan apo nan dalalo ya nan kido dapay makimat nan lota.

Mateo 24:31

Et wada nan tanggoyob ay napigsa daket ibaa nan aanghelko isnan am-in ay kad-an di ipogaw isnan batawa ta dagopenda am-in nan ipogaw ay pinilin Apo Dios.”

Deuteronomio 5:5

Intaktakdegak pay gedan dakayo isnan apo ay mang-ipagpagtek isnan ibagbagana tay omegyat kayo isdin menbidbidang ay apoy et egay kayo tinmikid isnan bilig. Kinwanina en,

Hebreo 12:21

Gapo isnan pilmi ay kaeegyat ay ninpaila et kinwanin Moses en, “Menpaypayegpegak gapo isnan egyatko.”

Naipagtek 1:10

Ngem isnan esay agew ay Domingo et kinapet nan Ispiriton Apo Dios sak-en daket dengngen nan napigsa ay kali isnan dodokogek ay kaneg tanggoyob.

Naipagtek 11:19

Daket ilaen ay matokaban nan Templon Apo Dios id daya et inilak gedan nan pokok ay nangipapay-anda isnan mangipanemnemnem isnan tolag Apo Dios isnan ipogawna. Dat menkimat dapay menkido is napigsa ya mendalalo dapay menyegyeg gedan nan batawa.

Naipagtek 4:1

Nakwas pay di daket tamaangen id daya daket ilaen nan natokaban ay eneb. Daket dengngen kasin san kali ay dinngek issan damo ay kaneg nan kalin di tanggoyob ay mangmangwani en, “Omalika isna ta ipailak ken sik-a nan awnit ommat.”

Naipagtek 4:5

Magapgapo isnan kad-an di mentoltolay nan kimat ya nan ninkapipigsa ay kido. Isnan sagangna et wada nan pito ay mapapasgedan ay silaw et daida nan mangipaila isnan pito ay kailaan nan panakabalin di es-esa ay Ispiriton Apo Dios.

Naipagtek 8:5

Inalan kasin san anghel san maipaypay-an di insinso danat ponowen is gabbang isnan altar et ibkasna isnan batawa. Daet mawanada nan kaeegyat ay kimat ya napigsa ay kido dapay manayegyeg nan batawa.