Exodo 19:12 - Kalin Apo Dios

¹² Pay-am is pengpeng nan liliwesen di bilig ta adi makagdang nan kaipoipogaw dakat ibaga ken daida ta adida tomiktikid wenno somagsag-en isnan bilig tay no waday somag-en et mapatey.

Exodo 19:12 Iomraidhean Croise

Exodo 10:28

Dat kanan san ali ken Moses en, “Komaanka isnan naay ay kad-ak. Adika kasin menpapaila ken sak-en tay no kasinka menpaila et ipapateyko sik-a.”

Exodo 19:21

Dat kanan nan apo ken Moses en, “Lomayogka ta ibagam isnan deeyday ipogaw ta adida gomgomdang isnan pengpeng ay omali mang-ila ken sak-en tay no ikkanda et adoado nan matey ken daida.

Exodo 19:23

Dat kanan Moses isnan apo en, “Adi makatikid nan ipogaw tay inbilinmo ken dakami en masapol ay pay-anmi is pengpeng nan liliwesen nan bilig ay menpap-ailaam.”

Exodo 24:2

Kedengka is somag-en ngem adi somagsag-en nan iib-am. Olay nan ipogaw et adida tomiktikid isnan naay bilig.”

Exodo 34:3

Kedkedengka is tomikid tay masapol ay maid polos ipogaw is maila isnan kompolni ay paltin nan bilig. Maid gedan olay kalnilo wenno baka is mangmangan isnan poon nan bilig.”

Deuteronomio 4:9

Isonga masapol ay makailanyo ta adiyo kalkalingkingan nan inil-ilayo enggana ay matatago kayo. Ibagbagayo isnan an-ak ya ap-oyo

Hebreo 12:18

Itoltoloy tako ay mamati ay ostoosto tay gag-awis nan balo ay tolag Apo Dios mo nan damdamo ay intedna isnan Judio id kasin. Tay baken et kaeegyat nan ipagpagtek Apo Dios ken datako ay kaneg nan inpap-ailana ken daida. Tay adi tako iiilaen nan bilig ay makwani en Sinai ay menbidbidang. Adi menpail-ila ken datako nan napigsa ay dagem ya nan menbolilinget ay olay isnan kag-aw.