Exodo 19:11 - Kalin Apo Dios

¹¹ Dadat mensagana is katlona tay isnan deey ay agew et awnitak gomowab isnan bilig ay Sinai tapno ilaen am-in nan ipogaw sak-en.

Exodo 19:11 Iomraidhean Croise

Genesis 11:5

Idi sas-aadenda di dat ilaen nan apo nan ili ya nan andoandoando ay baey ay sapsapowenda

Nehemias 9:13

Ginomwabka pay isnan bilig ay Sinai dakat nakitoya isnan ipogawmo isnan nangidyam isnan gawis ay bilbilinmo ya isnan ostoosto ay insolsolom.

Salmo 144:5

apo, tokabam nan daya ta gomowabka dakat paasoken nan bilbilig ay mangipaila isnan panakabalinmo.

Salmo 18:9

Danat pewaken nan daya ta gomwab siya ay gagatinana nan menngitit ay liboo.

Exodo 19:16

Dat isnan wakgat pay isnan maikatlo ay agew dat menkido dapay menkimat issan bilig ya wada pay nan menselelede ay liboo dat dengngen nan kaipoipogaw nan napinapigsa ay tanggoyob dadat pomayegpeg isnan egyatda.

Exodo 19:18

San bilig ay Sinai et malilingban isnan asok tay linmayog nan apo ay naitatapi isnan apoy isnan toktok nan deey ay bilig dat menpangato nan asok ay kaneg nan asok di mapop-oowan ay bilig. Et pilmi ay menpaypayegpeg nan deeyday ipogaw gapo isnan egyatda.

Exodo 19:20

Dat lomayog nan apo isnan toktok nan deey ay bilig ay Sinai et patikidena si Moses.

Exodo 24:16

Dat gomwab isnan bilig nan somili ay kawad-an nan apo. San pang-iilaan nan Israelita et kaneg menbidbidang ay apoy issan toktok di bilig et kinobotan di liboo san bilig is enem ay agew. Dat issan maikapito ay agew et inayagan nan apo si Moses issan liboo.

Exodo 3:8

Isonga inmaliyak tapno isalakak daida isnan iyEgipto ya ta ikaanko daida isnan kabaelan di iyEgipto ta iyeyko daida isnan gawigawis ya magabay ay ili. Isdi nan menteteean nan naayda ay Cananeo, Heteo, Amorreo, Perezeo, Heneo ya Jebuseo id wani.

Exodo 34:2

Dakat mensagana isnan masapa is wakgat ay tomikid isnan bilig ay Sinai ta mang-ilaka isnan toktok nan bilig.

Exodo 34:5

Dat lomayog nan apo ay naitatapi isnan liboo et tomakdeg isnan sag-en Moses danat kanan nan ngadana ay apo.

Nomero 11:17

Et awnitak gomwab et makikaliyak ken sik-a isdi daket omala isnan tapin di laing ay nagapo isnan Ispiritok ay inidyak ken sik-a et idyak abes ken daida ta badanganda sik-a isnan biyangmo isnan naayda ay ipogaw et awnit adim iyeesang ay mang-aw-awit et.”

Juan 3:13

Maiwed ipogaw is in-inmey id daya ay makaibaga isnan wada isdi nodi kedengak ay Iyon-an Am-in di Ipogaw tay nagapowak id daya.

Juan 6:38

Tay egayak nagapo id ngato ay omali ay mang-ikkan isnan laylaydek nodi nan layden nan nangibaa ken sak-en nan ikkak.

Deuteronomio 33:2

“Ninpaila nan apo isnan bilig ay Sinai. Nan silangna et kaneg nan tomag-adan nan agew id Edom. Ninlinang nan silawna isnan bilig ay Paran et menlinang isnan ipogawna. Simpoo ay libo ay aanghel nan naiboboweg ken siya ya wada nan menbidbidang ay apoy isnan makanawana.

Deuteronomio 4:10

nan maipanggep isnan agew ay tinmakdeganyo isnan apo ay Diosyo isnan bilig ay Sinai isdin nangwaniyana ken sak-en en, ‘Dagopem nan sanada ay ipogaw. Kaytek ay dengngenda nan kanak tapno solowenda ay mangpati ken sak-en isnan matatagowanda ya tapno ibagbagada isnan an-akda ta tongpalenda abes sak-en.’