Exodo 17:6 - Kalin Apo Dios

⁶ Awnitak tomakdeg isnan sagangmo isnan bato isnan bilig ay Sinai dakat isaplit nan sokodmo isnan bato et awnit kabanala nan danom ay inomen nan sanada ay ipogaw.” Dat ikkan tet-ewa Moses na ay iilaen nan aamam-an nan Israelita.

Exodo 17:6 Iomraidhean Croise

Nehemias 9:15

Isdin pay naowatanda et inagtam daida is tinapay ay nagapo id daya ya isdin naewewanda et inagtam daida is danom ay nagapo isnan bato. Ya inbagam ken daida en omeyda isnan daga ay inkalim en idyam ken daida ta menkowada.

Salmo 105:41

Inpabalana nan danom isnan bato et men-ayos isnan pondag ay kaneg ginawang

Salmo 114:8

nan Dios ay nangpabalin isnan bato is napoposong ay danom. Owen, pinaayosna nan danom isnan batbato.

Salmo 46:4

Wada nan ginawang ay mang-ipagawis isnan ilin Apo Dios ay ili ay napateg ay mentetean nan Kangangatowan.

Salmo 74:15

Sik-a nan nangipalosoy isnan balaan ya nan ginawang ya tindokmo nan men-ay-ayos ay ginawang.

Salmo 78:18

Ginagalada ay nangpadas ken Apo Dios isnan ninkedawanda is makan ay bigbigawenda.

Salmo 78:20

Tet-ewa et kinogkogna nan dakkel ay bato dat menpangabala nan danom et men-ayos ay kaneg ginawang. Ngem ay maagtana ngata datako is tinapay ya kalni?”

Salmo 81:7

Isdin maligligatanyo et nindawat kayo ken sak-en et insalakanko dakayo. Isnan kad-ak id daya et sinongbatak dakayo isnan kido daket padasen dakayo isdin kawad-anyo isnan balaan id Meriba.

Exodo 14:16

Idokyawmo nan sokodmo isnan baybay ta magedwa nan danom ta nan gedangen nan Israelita et naimaggan ay lota

Exodo 16:10

Idi kakalkalin Aaron san deeyday ipogaw dat nin-ilada isnan liboo ay nagapo isnan pondag nan pilmi ay somili ay kawad-an nan apo.

Nomero 20:8

“Alaem nan sokod ay wada isnan sagang san baol ay naipapay-an nan dowa ay nadadampig ay bato ay naisolatan nan simpoo ay lintegko. Dakayot dagopen ken Aaron nan sinpangili dayot toyyen nan bato isnan sagangda am-in et awnit bomala nan danom. Siya na nan ikkam ay men-ipabala is danom isnan bato ta waday inomen nan sanada ay ipogaw ya nan talakenda.”

Juan 4:10

Dat kanan Jesus, “No getkem koma nan idyan Apo Dios ya no sinowak ay mangmangwani en painomem et ibagam koma tapno agtak sik-a isnan danom ay mang-idya is biyag.”

Juan 4:14

ngem nan mang-inom isnan idyak ay danom et adi kaew-ewew. Tay nan danom ay idyak et menbalin ay kaneg balaan ay adi katkatdok isnan awakna ay mang-idya ken siya is biyag ay eng-enggana.”

1 Corinto 10:4

Olay nan tapin di danom ay inin-inomda et inpabalana isnan bato. Naiyalig san bato ken Kristo ay mang-it-ited isnan masapol nan ipogawna. Tay si Kristo nan nangtaktakdo ken daida ay nang-it-ited isnan masapolda.

Deuteronomio 1:2

No isnan bilbilig id Edom nan dinaanda et simpoo ya esa ay agew nan madaanana ay menlogi isnan bilig ay Sinai et enggana id Kades Barnea.

Deuteronomio 8:15

Inpangpangona dakayo isnan annaannawa ya kaeegyat ay pondag ay kad-an di ado ay menkedet ay oweg ya gayaman dapay maid polos danom. Et isdi pinabalana nan danom isnan bato ta waday inomenyo.

Naipagtek 22:17

“Omali kayo am-in ta maitapi kayo,” kanan nan Ispiriton Apo Dios ya nan ipogawna ay kaiyaligan di awnit asawaen nan Kalnilo. “Owen, omali kayo,” kanan nan mangdenge isnan naayda. Am-in kayo ay mangkayat et ay-ayaganda dakayo ta am-in kayo ay maew-ewew et omali kayo koma ta dawatenyo ay ominom isnan danom ay maid bayadna ay mang-ited is biyag.