Exodo 17:3 - Kalin Apo Dios

³ Ngem dadama ay naewew nan ipogaw isdi isonga motmotmotanda kayet si Moses ay mangmangwani en, “Dakan od inbala dakami id Egipto? Ay tapno pateyem dakami ya nan an-akmi ya talakenmi is ewew?”

Exodo 17:3 Iomraidhean Croise

Nehemias 9:15

Isdin pay naowatanda et inagtam daida is tinapay ay nagapo id daya ya isdin naewewanda et inagtam daida is danom ay nagapo isnan bato. Ya inbagam ken daida en omeyda isnan daga ay inkalim en idyam ken daida ta menkowada.

Nehemias 9:20

Isnan kinagawismo et inpagtekmo kayet ken daida nan masapol ay ikkanda dakapay pinakan daida is mana ya inagtam daida is danom ay inomenda.”

Salmo 107:5

Naowat ya naewewda et namaid nan pigsada ya linmokeyda.

Exodo 12:38

Ado pay ay baken Israelita nan nakkey ken daida ya naitapi gedan nan ado ay kalnilo, kalding ya bakbaka.

Exodo 14:11

Kinwanida ken Moses en, “Ay gapo tay maid maikaobanmi id Egipto isonga inpaalim dakami id isna ay matey? Ilaem pod nan ommat isnan nangikaanam ken dakami id Egipto.

Exodo 15:24

Dat menlili nan ipogaw ken Moses et kananda en, “Ay ngan pay di inomen tako?”

Nomero 14:22

ay awnit maid matago isnan naayda ay aamam-a is esa songgep isnan deey ay daga. Inilada nan somili ay silangko isnan ninpap-ailaak ya nan kaskasdaaw ay inpailak id Egipto ya isnan pondag ngem namin-ado ay pinadasda nan anosko ya adida kayten ay tongpalen sak-en

Nomero 20:4

Ayta od dakan inyali dakami isnan naay ay pondag? Waay kanam ngen en ta matey kami isna pati nan talakenmi.