Exodo 17:15 - Kalin Apo Dios

¹⁵ Dat somapo si Moses is altar ay men-idatonana ta men-iyamanana ken Apo Dios. Nginadnana di is “Nan apo Nan Mangbadbadang Isnan Mangab-abakak.”

Exodo 17:15 Iomraidhean Croise

Genesis 12:7

Ngem ninpaila nan apo ken Abram et kanana, “Siya na nan ili ay idyak isnan ap-om.” Dat mensapo si Abram isdi is mangpop-oowana isnan igasgasingna isnan apo ay ninpaila ken siya.

Genesis 12:8

Nakwas pay di dat men-aton da Abram et menteeda isnan bilig ay ninbetaeyan nan ili ay Betel ya Ai. Dat kasin mensapo si Abram isdi is mangpop-oowana isnan igasgasingna isnan apo.

Genesis 22:14

Nginadnan Abraham san bilig ay deey is “It-ited nan apo nan masapol tako” gapo tay intedna san kalnilo et enggana id wani et siya kayet nan pangwanin nan ipogaw.

Salmo 60:4

Nin-ipangatoka is sinyal tapno getken nan mangpateg ken sik-a no sino nan menkamanganda isnan gobat.

Exodo 24:4

Dat isolat Moses nan am-in ay bilin nan apo. Kawakgatana pay isnan wakgat dat somapo si Moses is altar ay maipaypay-an nan maited ken Apo Dios isnan gogowaben nan bilig danat batbaten nan simpoo ya dowa ay bato isnan bengetna ay mangipagtek ay simpoo ya dowa nan kap-owan din si Israel.

Exodo 32:5

Dat somapo si Aaron is altar isnan sagang san balitok ay baka danat kanan issan deeyday ipogaw en, “Is wakgat datakot menlagsak ta padayawan tako nan Apo tako.”

Ookom 6:24

Dat somapo si Gideon is altar isdi pala isnan apo danat ngadnan is “Nan apo nan mang-it-ited is talna.” Et enggana id wani et daan kayet nan naay altar id Ofra isnan sakop nan dagan din si Abiezer.