Exodo 16:7 - Kalin Apo Dios

⁷ Is wakgat et mailayo nan somili ay kawad-an nan apo. Dinngena nan liliyo ken siya. Owen, siya nan ninliliyanyo tay aped kami mabab-aa et kedeng ay mangibagbaga isnan bilina.”

Exodo 16:7 Iomraidhean Croise

Exodo 16:10

Idi kakalkalin Aaron san deeyday ipogaw dat nin-ilada isnan liboo ay nagapo isnan pondag nan pilmi ay somili ay kawad-an nan apo.

Exodo 16:12

“Dinngek nan lilin nan Israelita. Ibagam ken daida ay isnan masdem et awnit wada nan kalni ay isdada dat isnan wakgat et wada abes nan makan ay kanenda enggana ay mapnekda. Et awnit siya na nan manggetkanda ay sak-en nan apo ay Diosda.”

Exodo 16:8

Dat itoloy Moses ay mangwani en, “Isnan masdem et nan apo nan mang-idya isnan kalni ay isdayo danat agtan gedan dakayo isnan wakgat is makan enggana ay mapnek kayo tay dinngena nan dadama ay menlilliliyanyo. Tay no menlili kayo ken dakami et baken kami is menlilliliyanyo nodi isnan apo.”

Exodo 24:16

Dat gomwab isnan bilig nan somili ay kawad-an nan apo. San pang-iilaan nan Israelita et kaneg menbidbidang ay apoy issan toktok di bilig et kinobotan di liboo san bilig is enem ay agew. Dat issan maikapito ay agew et inayagan nan apo si Moses issan liboo.

Isaias 35:2

Awnit menkanta ya menbogaw nan pondag gapo is gasingda. Et kabegbegewda nan bilig di Lebanon ya maloweb ay kaneg nan kaloweb nan om-a ay Carmel ya nan Saron. Awnit maila nan kabegew nan apo ay nan Dios tako ya maila gedan nan kangatona ya panakabalina.

Isaias 40:5

Dat maipaila nan kinadios nan apo et iilaen nan am-in ay ipogaw. Nan apo ay mismo nan nangwani isnan naay.”

Nomero 14:10

Kanan nan deeyda ay ipogaw en ta gayangenda koma daida ta mateyda ngem dat menpaila nan somili ay kawad-an nan apo isnan ngangatowen san natoldaan ay pagdaydayawan.

Juan 11:4

Issan nangdengan Jesus isna danat kanan, “Nan sakit Lazaro et adina ikatey nodi ta maipaila nan panakabalinko ta madaydayaw si Apo Dios ya sak-en abes ay Anakna.”

Juan 11:40

Dat kanan Jesus ken siya, “Ay kinalingkingam nan inbagak en no mamatika et ilaem nan panakabalin Apo Dios?”