Nenemnemenyo ay sak-en ay apo nan nang-idya isnan agew ay men-illenganyo isonga isnan maikan-em ay agew et agtak dakayo is kanenyo ay pala doway agew. Isnan maikapito ay agew et wasdin di mentetee isnan baeyna ay adida komak-aan.”
Nan pangwanin nan Israelita issan deey ay makan et mana. Nan ilan nan mana et menpolaw ay kaneg bokel ay esek ya nan tamtamna et mensam-it ay kaneg dilo.
Isonga getken tako ay wada pay laeng nan illeng ay awnit ganaben nan ipogaw Apo Dios. Et nan naay ay omillengan tako et gawigawis ay kaneg nan inmillengan Apo Dios isnan maikapito ay agew.
