Exodo 16:3 - Kalin Apo Dios

³ ay mangwani ken daida en, “Pinatey koma laengen nan apo dakami isdin kawad-anmi id Egipto. Tay isdi et mabalin dadlo ay mensida kami is kalni ya mabalin ay mangan kami is kompolmi ay makan ay kaytenmi enggana ay maoma kami. Ngem inpaalim dakami isnan naay ay pondag ta matey kami is owatmi.”

Exodo 16:3 Iomraidhean Croise

Salmo 107:5

Naowat ya naewewda et namaid nan pigsada ya linmokeyda.

Salmo 78:19

Ninkalida is ngawi maipanggep ken Apo Dios et kananda en, “Ay maagtan ngata Apo Dios datako is makan isnan naay pondag?

Salmo 78:25

Nangan nan ipogaw is makan di aanghel ay inidyan Apo Dios ken daida ya sinmobla pay.

Exodo 14:11

Kinwanida ken Moses en, “Ay gapo tay maid maikaobanmi id Egipto isonga inpaalim dakami id isna ay matey? Ilaem pod nan ommat isnan nangikaanam ken dakami id Egipto.

Exodo 17:3

Ngem dadama ay naewew nan ipogaw isdi isonga motmotmotanda kayet si Moses ay mangmangwani en, “Dakan od inbala dakami id Egipto? Ay tapno pateyem dakami ya nan an-akmi ya talakenmi is ewew?”

Exodo 2:23

Nallos pay nan kaat ay tew-en dat matey san ali id Egipto. Gapo tay dadama ay maligligatan kayet nan Israelita isnan ipaob-oblan di iyEgipto ken daida et ninseg-angda ken Apo Dios.

Exodo 5:21

Dadat kanan ken daida en, “Inilan nan apo nan inikkanyo et dosaena koma dakayo tay dakayo nan gapona ay linmiget nan ali ya nan opisyalisna ken dakami. Inagtanyo daida is gapo ay mangpateyanda ken dakami.”

Nomero 11:15

Mo siya na kayet nan ikakam ken sak-en et maseg-angka ta mangpateyka ta adiyak itotototoled nan dadama ay ligat ay naay.”

Nomero 14:2

Dadat menlili ken da Moses ken Aaron et kananda en, “Gag-awis pay ay natey kami id Egipto wenno isnan naay pondag.

Nomero 14:3

Ayta od dan iyey pay laeng nan apo datako isnan sana ay ili. Awnit tako aped mapatey isnan gobat dat madpap nan as-awa tako ya nan an-ak tako. Gag-awis samet no somagong tako laengen id Egipto.”

Nomero 21:5

Dadat kasin menkali is ngawi ken Apo Dios ya is ken Moses. Ninlilida ay mangwani en, “Waay inpakaanyo dakami id Egipto tapno matey kami isnan naay pondag ay maid makan ya maid danom. Naoma kami et isnan naayda ay aped mana ay kankanen tako.”

Aapostolis 26:29

Dat kanan Pablo, “Sik-a Ali ya am-in kayo ay mangdedenge ken sak-en id wani, olay nalaka wenno naligat ay mamati kayo ngem nan dawatek ken Apo Dios et ta maiyiso kayo koma ken sak-en basta adi kayo maibalod.”

1 Corinto 4:8

Ay apo kayo ay iCorinto. Isnan nemnemyo et gintekyo et nan am-in ay masapol ay getkenyo. Kankananyo isnan nemnemyo en wada ken dakayo nan am-in ay laing ay it-ited Apo Dios. Kaneg dakayo nan men-ali. Ngem ken dakami ay aapostolis, egay pay laeng. Gawis no tet-ewa ay ali kayo tapno makiali kami abes.

2 Corinto 11:1

Wada nan ibagak ay adiyak polos layden ay kanan tay kaneg adi kapaay ngem anosanyo koma.

Deuteronomio 8:3

Inpalobosna ay maoowat kayo danat pakanen dakayo is mana ay egayyo tinamtamtaman ya olay din alal-apoyo et egayda getken nan tamtamna. Siya di nan inikkana ta isolona ken dakayo ay baken makan et kedeng di katagowan di ipogaw nodi masapol ay patiyenda am-in ay kankanan nan apo.