Exodo 16:20 - Kalin Apo Dios

²⁰ Ngem wadada nan egay nangidnge ken Moses et nin-ibay-anda kayet is pala isnan kawakgatana. Kawakgatana pay daet nabogis ya nabanges san inbay-anda et gapo is dana dat makaliget si Moses ken daida.

Exodo 16:20 Iomraidhean Croise

Exodo 16:19

Dat kanan Moses ken daida en, “Adi kabalin ay men-idolin kayo is pala is wakgat.”

Exodo 16:21

Et winakgat ay nin-ol-olnongda is ostoosto ay kanenda isnan agew ay deey. Daet no makagkag-aw ay pomigsa nan agew dat malonag nan binay-anda isnan lota.

Exodo 16:24

Inikkanda nan inbilin Moses et indolinda tet-ewa nan nabay-an ay pala isnan kawakgatana. Isnan kawakgatana et egay kagege wenno nadadael san indolinda.

Mateo 6:19

Dat itoloy Jesus ay mangwani en, “Adi kayo nemnemnemen ay men-ol-olnong is bomaknanganyo isnan kad-anyo isnan naay batawa. Tay nan kokwayo isnan batawa et nalaka ay dadaelen nan ataming ya lati ya akewen pay nan mangakew.

Marcos 10:14

Ngem idi inilan Jesus danat sagiiten daida ay mangwani, “Palobosanyo nan oongong-a ay omali ken sak-en. Adiyo iyadi daida tay nan mangtalek ken sak-en ay kaneg nan naayday oongong-a et daida nan maitapi isnan mentolayan Apo Dios.

Marcos 3:5

Dat mainge si Jesus isnan nang-il-ana ay maid somongbat ken daida tay ikekedseda ngem seg-angana met laeng daida. Danat kanan isnan nabingoy, “Oyadem nan ledengmo.” Inoyadna dat maoyad tet-ewa tay naagasan et.

Lucas 12:15

Danat itoloy ay mangwani ken daida am-in, “Makail-ilanyo ta adi kayo men-ap-apal. Tay nan tet-ewa ay katagowan di ipogaw et baken nan kaad-adon di bonagna is kagapowana.”

Lucas 12:33

Isonga ilakoyo nan kokwayo dayopay ited nan lakona isnan kokodokdo et kanegyo isagana nan sopot ay adi madondonot tay id daya nan kad-an di kinabaknangyo et isdi adi makeskesayan ya maiwed mangakew is makasag-en ya maiwed ataming is mangbotbot.

Efeso 4:26

No makaliget tako datakot pabaewen nan nemnem tako ta adi tako bomasol ay mang-ikkan is ngawi. Adi tako koma itoltoloy nan liget tako isnan sin-agew

Hebreo 13:5

Adiyo gamgamgaman ay bomaknang nodi mapnek kayo isnan wada ken dakayo tay kinwanin Apo Dios en, “Adiyak polos taytaynan dakayo wenno mamaiden nan badangko ken dakayo.”