Exodo 16:15 - Kalin Apo Dios

¹⁵ Idi inilan nan Israelita dadat men-asisoot en, “Ay ngan datona?” tay adida getken. Dat kanan Moses ken daida en, “Siya na nan makan ay inted nan apo ay kanenyo.

Exodo 16:15 Iomraidhean Croise

Nehemias 9:15

Isdin pay naowatanda et inagtam daida is tinapay ay nagapo id daya ya isdin naewewanda et inagtam daida is danom ay nagapo isnan bato. Ya inbagam ken daida en omeyda isnan daga ay inkalim en idyam ken daida ta menkowada.

Nehemias 9:20

Isnan kinagawismo et inpagtekmo kayet ken daida nan masapol ay ikkanda dakapay pinakan daida is mana ya inagtam daida is danom ay inomenda.”

Salmo 105:40

Nindawatda et inpaeyna nan kasabasabag ya inagtana daida is makan ay nagapo id daya ta mapnekda.

Salmo 78:24

danat ipaodan ken daida nan mana ay makan ay nagapo id daya.

Exodo 16:31

Nan pangwanin nan Israelita issan deey ay makan et mana. Nan ilan nan mana et menpolaw ay kaneg bokel ay esek ya nan tamtamna et mensam-it ay kaneg dilo.

Exodo 16:33

Dat kanan Moses ken Aaron en, “Omalaka is banga ta pay-am is epat ay sopa ay mana dakat ippey isnan kadaydayawan nan apo ta maidolin ta waday esa pangil-ilaan di ap-o tako is kasin.”

Exodo 16:4

Dat kanan nan apo ken Moses en, “Id wani ngalod et itedko nan makan ay magapo id daya ay pala ken dakayo am-in. Dat masapol ay inagew ay bomala nan ipogaw ay menpidit is ostoosto ay kanenda isnan deey ay agew. Et siya na nan manggetkak ay tongpalenda nan bilinko.

Proverbio 9:5

Akayo ta kanenyo nan makan ay naisagana dayopay inomen nan alak ay natimpla.

Nomero 21:5

Dadat kasin menkali is ngawi ken Apo Dios ya is ken Moses. Ninlilida ay mangwani en, “Waay inpakaanyo dakami id Egipto tapno matey kami isnan naay pondag ay maid makan ya maid danom. Naoma kami et isnan naayda ay aped mana ay kankanen tako.”

Lucas 12:30

Tay siya nan pilmi ay nenemnemen nan adi mamati ken Apo Dios. Ngem dakayo et getken Amayo id daya nan am-in ay masapolyo.

Juan 6:49

Din alal-apo tako et olay no kinanda nan makan ay manna isnan bilbilig ngem nateyda met laeng.

Juan 6:58

Tay sak-en nan makan ay nagapo id daya ay baken kaneg din makan ay kinan din alal-apo tako id kasin dadat matey met laeng. Ngem nan mangkakan ken sak-en et matagotago ay eng-enggana ken Apo Dios.”

1 Corinto 10:3

Pinakpakan Apo Dios daida am-in isnan makan ay nagapgapo ken siya.

Deuteronomio 8:16

Isdi gedan et inagtana dakayo is mana ay kanenyo ay makan ay egay polos tinamtamtaman din alal-apoyo id kasikasin. Inikkana dana ta mangpadasana ken dakayo tapno isnan odidina et pagawisena nan biyagyo.

Deuteronomio 8:3

Inpalobosna ay maoowat kayo danat pakanen dakayo is mana ay egayyo tinamtamtaman ya olay din alal-apoyo et egayda getken nan tamtamna. Siya di nan inikkana ta isolona ken dakayo ay baken makan et kedeng di katagowan di ipogaw nodi masapol ay patiyenda am-in ay kankanan nan apo.

Hebreo 9:4

Nan wada isdi et nan makwani en altar ay kapop-oowan di bangbanglo ay makwani en insinso ay os-osalenda ay mangdayaw ken Apo Dios. Wada abes isdi nan kaneg baol ay mentetean nan doway nadadapig ay bato ay naisolatan nan simpoo ay linteg Apo Dios ay nangipagpagtek isnan nakitolagana ken daida. Nan dowa pay ay wada isnan leem nan kaneg baol et nan balitok ay banga ay kad-an di manna ay makan ay inted Apo Dios id kasikasin ya nan natotobowan ay sokod din si Aaron. Nan baol ya nan kapop-oowan di insinso et napakpakanda is balitok.

Josue 5:12

Dat somaldeng et nan maek-ekdag ay mana et egay et kasin tinamtamtaman di Israelita. Dat enggana issan timpo ay deey et nan maap-apit id Canaan nan kinkinanda.

Naipagtek 2:17

No waday ingayo et idngeyo nan ibagbagan nan Ispiriton Apo Dios isnan mamati ay madagdagop ay mangdaydayaw ken sak-en isnan il-ili. Nan adi mangipalobos ay abaken Satanas et awnitak agtan siya isnan makan ay makwani en manna ay adi maila id wani. Wasdin esa ken daida et agtak abes is polaw ay bato ay naisolatan nan balo ay ngadana ay kedeng nan mangdawat is mangtek.”