Exodo 15:26 - Kalin Apo Dios

²⁶ Kinwanina ken daida en, “No tet-ewa ay tongpalenyo sak-en ta ikkanyo nan kanak en osto ya ikkanyo nan bilbilinko et adiyak dosdosaen dakayo isnan sakit ay inpalak-amko isnan iyEgipto tay sak-en nan apo ay makaagas ken dakayo.”

Exodo 15:26 Iomraidhean Croise

2 Aali 20:5

somagong ken ali Hezekias ta ibagana en, “Sak-en ay apo ay Dios din alapom ay si ali David et dinngek nan lowalom ya inilak nan agam isonga pagawisek sik-a ta isnan maikatlo ay agew dakat makaey et isnan Templo.”

Salmo 103:3

Pakawanena am-in ay basolko ya pagawisena am-in ay sakitko.

Salmo 147:3

Pagasingena nan namaid namnamada danapay badangan nan madadagsenan.

Salmo 81:9

Maid polos koma teken is diosyo. Owen, adi kayo mendaydayaw is teken ay dios

Exodo 12:29

Isnan tengan nan labi et pinatey nan apo nan am-in ay iyon-a ay lalalaki ay an-ak di iyEgipto ay menlogi isnan iyon-a ay anak di ali ay awnit mangtawid koma isnan kinaalin amana enggana isnan iyon-a ay anak di balod. Natey gedan am-in nan damo ay an-ak di talakenda.

Exodo 19:5

Et no patiyenyo sak-en ya tongpalenyo nan inkalik et awnit dakayo nan ipogawko. Kowak nan batawa ngem dakayo nan napili ay ipogawko.

Exodo 19:6

Isonga sak-en et kedeng nan Diosyo ay daydayawenyo dakayot mensilbi ken sak-en ay kaneg nan ikkan di padi.’ Siya di nan ibagam isnan Israelita.”

Exodo 20:2

“Sak-en nan apo ay Diosyo ay nang-ikaan ken dakayo id Egipto ay nabab-aaanyo.

Isaias 55:3

Dengngenyo ay ipogawko dakayot omali ken sak-en. Omali kayo ken sak-en ta wada nan biyagyo. Makitolagak ken dakayo is tolag ay eng-enggana daket idya ken dakayo san bindisyon ay inkalik ken David.

Isaias 57:18

Iilak nan ik-ikkanda ngem awnitak pagawisen daida daket ipangpango ya badbadangan daida dakpay liwliwaliwen nan menseseg-ang.

Oseas 6:1

Dat kanan nan kaipoipogaw en, “Somagong tako isnan apo. Pinaligatna datako ngem sigolado ay awnitna agasan datako. Sinogatana datako ngem awnitna bedbedan nan sogat tako.

Deuteronomio 32:39

Kedkedengak is apo tay maid teken is tet-eway Dios. Menpateyak ya mentagowak. Mensogatak ya men-agasak. Et maid makaiyadi isnan ik-ikkak.

Deuteronomio 5:1

Dat dinagop Moses nan Israelita et kinwanina ken daida en, “Dakayo ay Israelita, dengngenyo nan linteg ay ibagbagak ken dakayo id wani. Adalenyo ay gawis daida dakayot makailan ta tet-ewa ay tongpalenyo.