Exodo 15:24 - Kalin Apo Dios

²⁴ Dat menlili nan ipogaw ken Moses et kananda en, “Ay ngan pay di inomen tako?”

Exodo 15:24 Iomraidhean Croise

Salmo 106:13

Ngem adi mabayag et kalingkinganda din inik-ikkana. Ik-ikkanda pay nan laydenda ay egayda on-ona ninsoot ken siya.

Exodo 14:11

Kinwanida ken Moses en, “Ay gapo tay maid maikaobanmi id Egipto isonga inpaalim dakami id isna ay matey? Ilaem pod nan ommat isnan nangikaanam ken dakami id Egipto.

Exodo 16:2

Dat isnan deey ay pondag et ninlilida kasin ken da Moses ken Aaron

Exodo 5:21

Dadat kanan ken daida en, “Inilan nan apo nan inikkanyo et dosaena koma dakayo tay dakayo nan gapona ay linmiget nan ali ya nan opisyalisna ken dakami. Inagtanyo daida is gapo ay mangpateyanda ken dakami.”

Nomero 14:22

ay awnit maid matago isnan naayda ay aamam-a is esa songgep isnan deey ay daga. Inilada nan somili ay silangko isnan ninpap-ailaak ya nan kaskasdaaw ay inpailak id Egipto ya isnan pondag ngem namin-ado ay pinadasda nan anosko ya adida kayten ay tongpalen sak-en

Nomero 21:5

Dadat kasin menkali is ngawi ken Apo Dios ya is ken Moses. Ninlilida ay mangwani en, “Waay inpakaanyo dakami id Egipto tapno matey kami isnan naay pondag ay maid makan ya maid danom. Naoma kami et isnan naayda ay aped mana ay kankanen tako.”

Mateo 6:25

Siya di nan gapo ay ibagak ken dakayo en adi kayo madanagan is menkatagoyo ya is ibadoyo tay wedweda nan biyag mo nan makan ya nan awak mo nan bado.

1 Corinto 10:10

Nan esay ngawi ay inikkan nan tapina et ninmotmotda isnan inikkan Apo Dios isonga inbaan Apo Dios nan esay anghel ay mangpatey ken daida.

Filipos 2:14

Isnan am-in ay ik-ikkanyo et masapol ay adi kayo menlilili ya adi kayo gedan makisongsongbat

Judas 1:16

Nan ipogaw ay ibagbagak isna et daida nan managlili ay menmotmotmot. Ik-ikkanda nan ol-olay ay kaykayatda dadapay men-et-etek. It-it-ekda nan tapin di ipogaw tapno makaalada is kayatda ay alaen.