Exodo 15:22 - Kalin Apo Dios

²² Dat ipangon Moses nan Israelita et taynanda nan Gadangdang ay Baybay et omeyda isnan pondag ay Sur. Nindaddad-aanda isnan pondag is tolo ay agew dapay maid dinas-anda is danom.

Exodo 15:22 Iomraidhean Croise

Salmo 136:16

Inpangpangona nan ipogawna isnan ninbab-aatanda isnan pondag tay nan adi menbalbaliw ay layadna et maid patenggana.

Salmo 77:20

lnay-ayowanam nan ipogawmo ay kanegda talaken isdin nang-ipangpangowan da Moses ken Aaron ken daida.

Salmo 78:52

Danat ikaan nan ipogawna id Egipto et ipangona daida isnan pondag ay kaneg nan ikkan di menpaspastol is kalnilo.

Salmo 78:53

Inpangona daida ay gawis et maid inyeg-egyatda danapay linin-eb isnan baybay san mangkedkedag ken daida.

Exodo 17:1

Nakwas pay di dat komaan nan Israelita isnan pondag ay Sin et nin-at-at-atonda isnan nateketekan ay logal tay siya nan bilin nan apo. Ninkampoda id Refidim ngem maid mainom is danom isdi.

Exodo 3:18

Awnit idngen nan ipogawko nan ibagam ken daida. Dakat maiboweg isnan aamam-an di Israelita ta omey kayo isnan alin di Egipto et kananyo ken siya en, ‘Nan apo ay Dios di Hebreo et ninpaila ken dakami. Isonga pangaasim ta palobosam dakami ay menbaat is tolo ay agew isnan pondag ta omey kami menpalti is igasingmi isnan apo ay Diosmi.’