Exodo 15:21 - Kalin Apo Dios

²¹ Dat ikantaan Miriam daida et kanana en, “Menkanta tako ken apo tay nangabak is nadayaw ay panangabak. Intep-ana isnan baybay nan kabayoda ya nan ninlologan.”

Exodo 15:21 Iomraidhean Croise

Salmo 76:6

Apo Dios, ay Dios din si Jacob, isnan kalim et natey nan deeyday ninsasakay ya nan kabayoda.

Exodo 15:1

Daet menday-eng da Moses ya nan Israelita et iday-engda nan naay kanta isnan apo. “Ikantaak nan apo tay nangabak is nadayaw ay panangabak. Linimona isnan baybay nan kakabakabayo ya nan mangitoltolong isnan logan.

Naipagtek 14:3

Tomatakdeg san sin-gasot ya epatpoo ya epat ay libo ay ipogaw ay mangsasagang issan tokdowan di ali ya nan epat ay matatago ya nan dowampoo ya epat ay aamam-a. Kankantaenda nan balo ay kanta ay maid teken is makagtek nodi daida et kedeng tay daida nan nasbot isnan batawa.

Naipagtek 15:3

et kankantaenda nan kantan Moses ay esay baan Apo Dios id kasin ay kantan gedan nan makwani en Kalnilo. Siya na nan kankantaenda. “Apo Dios ay manakabalin isnan am-in ay wada, kaskasdaaw ya kadadayaw nan ik-ikkam. Sik-a nan Apon di am-in ay ili, et ostoosto ya gawigawis nan am-in ay ik-ikkam.

Naipagtek 5:9

Dadat kantaen nan balo ay kanta ay mangwani en, “Kedkedengka is maibagay ay mang-ala isnan nalololon ay papil ya mangkaan isnan pilkatna. Tay napateyka et nan nateyam nan naisbot isnan basbasol di ipogaw ta waday menbalin is ipogaw Apo Dios isnan magapo isnan am-in ay ili ay natkenatken nan kalida ya kaiilaanda.