Exodo 15:1 - Kalin Apo Dios

¹ Daet menday-eng da Moses ya nan Israelita et iday-engda nan naay kanta isnan apo. “Ikantaak nan apo tay nangabak is nadayaw ay panangabak. Linimona isnan baybay nan kakabakabayo ya nan mangitoltolong isnan logan.

Exodo 15:1 Iomraidhean Croise

Nehemias 9:11

Sik-a gedan nan nangpasiyan isnan danom nan Gadangdang ay Baybay ta mendaan nan ipogawmo isnan namagaan ay lota dakapay limonen nan mangkedkedag ken daida ay kaneg nan ommat isnan bato no maekdag isnan adaadaem ay danom.

Salmo 105:43

Inpangpangon nan apo nan ipogawna ay pinilina dadapay mendayday-eng gapo is gasingda.

Salmo 106:12

Dat patiyen nan ipogawna nan inkalkalina dadapay idayday-eng nan pangdayawda ken siya.

Salmo 107:15

Men-iyamanda koma isnan apo isnan adi menbalbaliw ay layadna ya isnan kaskasdaaw ay inik-ikkana ken daida

Salmo 107:8

Men-iyamanda koma isnan apo isnan adi menbalbaliw ay layadna ya isnan kaskasdaaw ay inik-ikkana ken daida.

Salmo 32:7

Sik-a nan menkamkamangak et sik-a nan mangkawan ken sak-en isnan maligatak. Daet makidayaw ken sak-en nan iib-ak tay nang-isalakanka.

Salmo 76:6

Apo Dios, ay Dios din si Jacob, isnan kalim et natey nan deeyday ninsasakay ya nan kabayoda.

Salmo 76:7

lyeegyat di kaipoipogaw sik-a isonga sino pay ngen nan makaitoled ay tomakdeg isnan sagangmo no makaligetka?

Exodo 14:26

Dat kanan nan apo ken Moses en, “Kasinmo oyaden nan ledengmo isnan baybay ta somagong nan danom et malimon nan iyEgipto, nan loganda ya nan mangitoltolong isnan logan.”

Exodo 14:27

Inoyad kasin Moses nan ledengna isnan baybay et ostoy pomat-a dat somagong san danom issan sigod ay ikakana. Pinadas nan iyEgipto ay somagong ngem dat ilin-eb nan apo daida.

Exodo 15:21

Dat ikantaan Miriam daida et kanana en, “Menkanta tako ken apo tay nangabak is nadayaw ay panangabak. Intep-ana isnan baybay nan kabayoda ya nan ninlologan.”

Isaias 42:10

Kantaenyo nan balo ay kanta ay mangdayaw isnan apo. Dakayo am-in isnan batawa, kantaanyo nan maidaydayawana. Dakayo ay om-omey isnan baybay ya dakayo ay mentetee isdi, dayawenyo siya. Menkanta kayo gedan ay wada isnan anaddawi ay il-ili ay mentetee is dadi.

Oseas 2:17

Awnitna adi kankanan wenno dengdengen kasin nan ngadan ay Baal.

Habakuk 3:18

et menlagsakak ya men-gasingak kayet tay nan apo ay Dios nan mangisalsalakan ken sak-en.

Colosas 2:15

Et isdin nateyana inabakna si Satanas ya nan iib-ana et siya abes nan nangipailaana ay kinaana nan kabaelan nan dimonyo tay inabakna daida isnan pangiil-an nan am-in ay wada.

Naipagtek 15:3

et kankantaenda nan kantan Moses ay esay baan Apo Dios id kasin ay kantan gedan nan makwani en Kalnilo. Siya na nan kankantaenda. “Apo Dios ay manakabalin isnan am-in ay wada, kaskasdaaw ya kadadayaw nan ik-ikkam. Sik-a nan Apon di am-in ay ili, et ostoosto ya gawigawis nan am-in ay ik-ikkam.