Exodo 14:8 - Kalin Apo Dios

⁸ Dat pakedseen nan apo nan nemnem san ali et omeyda kamakamen ay mang-onod issan Israelita ay dadama nan gasingda ay siwawaya issan kinmaananda.

Exodo 14:8 Iomraidhean Croise

Salmo 105:43

Inpangpangon nan apo nan ipogawna ay pinilina dadapay mendayday-eng gapo is gasingda.

Salmo 86:13

tay dadama nan adi menbalbaliw ay layadmo ken sak-en ya insalakanmo sak-en isnan kad-an di natnatey.

Exodo 10:27

Dat kasin pinakedsen nan apo nan nemnem san ali et egayna inpalobos nan Israelita.

Exodo 14:17

ya pakedseek kayet nan nemnem nan naayda ay iyEgipto ta kedagenda kayet dakayo et awnit maidaydayawak isnan mang-abakak isnan ali, nan sosoldadona, nan loganda ya nan mangitoltolong isnan loganda.

Exodo 14:4

Awnitko pakedseen nan nemnem san ali et onodenda kayet dakayo. Et awnitak maidaydayaw isnan mang-abakak ken daida ay iyEgipto ya nan sosoldadoda. Awnit siya nan mangtekan nan iyEgipto ay sak-en nan apo.” Et pinatin nan Israelita nan naibaga ken daida.

Exodo 14:7

Inpasaganana pay am-in nan logan ay makigobat ay naitapi nan enem gasot ay kagagawisan ay logan ay menloganan nan aap-apon di sosoldadona.

Exodo 6:1

Dat kanan nan apo ken Moses en, “Owen, ngem awnitmo ilaen nan ikkak isnan ali. Tay awnitak piliten ay mangipalobos isnan ipogawko. Kinatet-ewana et awnit mapilitan ay mangipakaan ken daida isnan ilina.”

Exodo 9:12

Ngem olay no keg tona et inpakedsen kayet san ali nan nemnemna et egayna kayet idnge da Moses ken Aaron ay kaneg din kinwanin nan apo ken Moses.

Aapostolis 13:17

Nan daydayawen tako ay Judio et si Apo Dios. Siya nan nangpili isdin alal-apo tako ay an-ak din si Israel. Et siya gedan nan nangipaad-ado ken daida isdin ninteteanda id Egipto. Siya abes nan nangipaila isnan pigsana ay nangipango ken daida ay komaan id isdi.

Deuteronomio 26:8

Dat isalakan nan apo dakami id Egipto isnan nang-ipailaana isnan panakabalina isnan nang-ikkanana isnan ado ay kaskasdaaw ya kaeegyat.

Deuteronomio 32:27

Ngem egayko inikkan tapno adi men-etek nan mangbosboso ken daida ay mangwani en daida nan nang-abak isnan Israelita ay baken kano sak-en is nangdosa ken daida.’