Exodo 14:4 - Kalin Apo Dios

⁴ Awnitko pakedseen nan nemnem san ali et onodenda kayet dakayo. Et awnitak maidaydayaw isnan mang-abakak ken daida ay iyEgipto ya nan sosoldadoda. Awnit siya nan mangtekan nan iyEgipto ay sak-en nan apo.” Et pinatin nan Israelita nan naibaga ken daida.

Exodo 14:4 Iomraidhean Croise

Nehemias 9:10

Inpailam nan nakaskasdaaw ay nangpaligat isnan alin di Egipto ya isnan kaipoipogawna tay gintekmo din nangpalpaligatanda isnan ipogawmo. Et gapo isnan naay inikkam et naipangato nan ngadanmo ay enggana id wani.

Exodo 10:2

ya ta waday esayo sodsodoken is komasin isnan an-akyo ya ap-oyo no ngan nan inkakak ay nangpaligat isnan iyEgipto isnan nangipailaak ken daida isnan naayda ay kaskasdaaw. Et awnit siya nan manggetkanyo am-in ay ipogaw ay sak-en nan apo.”

Exodo 10:27

Dat kasin pinakedsen nan apo nan nemnem san ali et egayna inpalobos nan Israelita.

Exodo 12:28

Dadat omey ikkan nan bilin ay inbagan nan apo ken da Moses ken Aaron.

Exodo 14:23

Dat kayet onoden nan iyEgipto daida issan baybay pati nan am-in ay kabayon san ali, nan loganda ya nan mangitoltolong isnan logan.

Exodo 14:25

Isonga nan inikkana et inbanekna nan landok ay pilid nan loganda ta adida makadaan. Dat kanan nan iyEgipto en, “Nan apo nan makigobgobat pala isnan Israelita. Komaan tako et isna.”

Exodo 14:3

Et awnit kanan san alin nan Egipto en waay naliweng nan Israelita et mapokokda isnan pondag.

Exodo 14:5

Idi gintek nan alin di Egipto en kinmaan et nan Israelita dat matken nan nemnemna ya nan iib-ana dadat kanan en, “Ay ngan pay nan inikkan tako ay naay? Aped tako inpalobos nan Israelita ay komaan et dey maid et bab-aaen tako.”

Exodo 14:8

Dat pakedseen nan apo nan nemnem san ali et omeyda kamakamen ay mang-onod issan Israelita ay dadama nan gasingda ay siwawaya issan kinmaananda.

Exodo 6:7

Menbalinek dakayo ay ipogawko et sak-en nan Diosyo. Et awnityo mangtekan ay sak-en nan apo ay Diosyo ay nangwaya ken dakayo isnan dadama ay naligat ay ipaob-oblan nan iyEgipto ken dakayo.

Exodo 7:17

Et id wani kanan nan apo en awnitmo getken no sino siya isnan naay ay ikkana. Ilaem ta isaplitko nan naay sokod isnan danom isnan naay ginawang et awnit menbalin ay basa.

Exodo 7:3

Ngem awnitak ipakedse nan nemnem san ali ta adina idnge dakayo ay olay no adoado ay kaeegyat ay kaskasdaaw nan esak ipaila id Egipto.

Exodo 7:5

Isnan mangdosaak isnan iyEgipto ay mangikaanak isnan Israelita id isdi et awnit siya nan mangtekan nan iyEgipto ay sak-en nan apo.”

Exodo 9:16

Ngem inpalobosko ay matago kayo ta ipailak ken dakayo nan kabaelak tapno maipagtek isnan batawa nan kabaelan nan ngadanko.

Roma 11:8

Kaneg nan inpasolat Apo Dios ay mangwani en, “Inted Apo Dios ken daida nan nemnem ay kaneg nan nemnem nan ipogaw ay maseseyep. Enggana id wani et olay mamamataanda et adida makaila. Ya olay maiingaanda et adida makadnge.”

Roma 9:17

Kaneg nan naisolat ay kinwanin Apo Dios ken Faro ay ali id Egipto id kasikasin. Kinwanina en, “Ninbalinek sik-a ay apo tapno matongpal nan kayatko ay mangipaila isnan kabaelak isnan ikkam tapno maipagtek isnan kaipoipogaw isnan batawa.” Siya dana nan kinwanin Apo Dios.

Roma 9:18

Isonga getken tako ay seg-angan Apo Dios nan kayatna ay seg-angan ya pakentegena nan olon nan kayatna ay pakentegen.