Exodo 14:25 - Kalin Apo Dios

²⁵ Isonga nan inikkana et inbanekna nan landok ay pilid nan loganda ta adida makadaan. Dat kanan nan iyEgipto en, “Nan apo nan makigobgobat pala isnan Israelita. Komaan tako et isna.”

Exodo 14:25 Iomraidhean Croise

Nehemias 9:11

Sik-a gedan nan nangpasiyan isnan danom nan Gadangdang ay Baybay ta mendaan nan ipogawmo isnan namagaan ay lota dakapay limonen nan mangkedkedag ken daida ay kaneg nan ommat isnan bato no maekdag isnan adaadaem ay danom.

Salmo 35:1

apo, itakdegam kad sak-en isnan mangbosboso ken sak-en. Owen, gobatem nan manggobgobat ken sak-en.

Salmo 46:9

Pasaldengena nan gobat isnan batawa. Gopongena nan pana ya dadaelena nan balbeg danapay poowan nan kalasag.

Salmo 68:12

“Komak-aan et nan aali ya nan sosoldadoda ay naabak.” Dapay nan bababai ay nataynan isnan bab-aey et bingbingayenda nan insaan di nangabak.

Salmo 76:6

Apo Dios, ay Dios din si Jacob, isnan kalim et natey nan deeyday ninsasakay ya nan kabayoda.

Exodo 14:14

Nan apo nan makigobat pala ken dakayo et maid ikkanyo nodi basta ikikin-eyo.”

Exodo 14:18

Isnan mang-abakak ken daida et awnit getkenda et ay sak-en nan apo.”

Exodo 14:4

Awnitko pakedseen nan nemnem san ali et onodenda kayet dakayo. Et awnitak maidaydayaw isnan mang-abakak ken daida ay iyEgipto ya nan sosoldadoda. Awnit siya nan mangtekan nan iyEgipto ay sak-en nan apo.” Et pinatin nan Israelita nan naibaga ken daida.

Amos 5:19

Nan kanegna et kaneg nan mang-itagtagtagan di ipogaw isnan layon ngem danat sab-aten nan esay dakkel ay animal ay makwani en bear wenno kanegna nan kasasaa ay mensadag isnan diding dat ketban di oweg.

Deuteronomio 32:31

Gegetken nan mang-ap-apos isnan Israelita ay maid kabaelan nan diosda ay kaneg nan manakabalin ay Dios di Israelita.