Exodo 14:22 - Kalin Apo Dios

²² Dat mendaan san Israelita issan naaango ay lota tay ninbalin ay kaneg diding san danom isnan mensinombangil.

Exodo 14:22 Iomraidhean Croise

2 Aali 2:14

Danat isaplit san kagay Elias isnan danom danapay kanan en, “Into pay nan apo ay Dios Elias?” Et issan nang-isaplitana isnan kagay dat mensiyan nan danom dat mendaan et omey isnan bangilna.

2 Aali 2:8

Dat kaanen Elias nan kagayna et kopinena danat isaplit isnan danom. Dat mensiyan nan danom et mendaanda isnan gawana ay naaango nan lota.

Nehemias 9:11

Sik-a gedan nan nangpasiyan isnan danom nan Gadangdang ay Baybay ta mendaan nan ipogawmo isnan namagaan ay lota dakapay limonen nan mangkedkedag ken daida ay kaneg nan ommat isnan bato no maekdag isnan adaadaem ay danom.

Salmo 106:9

Binilina nan Gadangdang ay baybay et namagaan ya inpagedangna nan ipogawna isnan namagaan ay lota.

Salmo 136:13

Ninsiyanena nan Gadangdang ay baybay tay nan adi menbalbaliw ay layadna et maid patenggana.

Salmo 136:14

Danat ipadaan nan ipogawna isnan gawana tay nan adi menbalbaliw ay layadna et maid patenggana.

Salmo 66:6

Pinabalina nan baybay ay naango ay lota dadat mendaan ay men-gedang et dadama nan lagsakda isdin deey ay agew.

Salmo 74:15

Sik-a nan nangipalosoy isnan balaan ya nan ginawang ya tindokmo nan men-ay-ayos ay ginawang.

Salmo 78:13

Ginedwana nan baybay et pinadaana daida et pinatakdegna nan danom ay kaneg diding issan nindaananda.

Exodo 14:29

Ngem nan nindaanan san Israelita et naimaggan ay lota tay ninbalin ay kaneg diding san danom issan mensinombangil.

Isaias 43:16

Id kasikasin et inomset nan apo isnan baybay is daan isnan gawana isnan mensassasa ay danom

Isaias 51:10

isnan nangtodokam isnan baybay ta sapowem nan daan isnan gawan di danom tapno makadaan nan deeyday isalsalakanmo.

1 Corinto 10:1

Tay no adi itoltoloy nan ipogaw ay mangtongpal ken Apo Dios et waay ngen kaanena nan badangna ken daida. Adiyo kalkalingkingan, bebsatko, nan inommat isdin alal-apo tako id kasikasin. Binadbadangan Apo Dios daida am-in tay maitaptapi siya isnan liboo ay mangibob-oweg ken daida. Binadangana daida abes ay nanggedang isnan baybay ay Gadangdang nan ngadana.

Hebreo 11:29

Gapo isnan pammatin din alal-apo tako gedan et nakagedangda isnan baybay ay kangadan is Gadangdang ay kaneg maid danom. Ngem isnan nangpadasan nan iyEgipto ay manggedang ay mang-onod ken daida et nalimonda am-in.

Josue 4:22

dayot ibaga ken daida nan timpo ay nanggedangan nan Israelita isnan Jordan ay namagaan nan lota.