Exodo 14:13 - Kalin Apo Dios

¹³ Dat kanan Moses ken daida en, “Adi kayo omegyat, papipigsaenyo nan nemnemyo et id wani ay agew awnit mailayo nan ikkan nan apo ay mangisalakan ken dakayo. Awnit adiyo et mail-ila kasin nan naayda ay iyEgipto.

Exodo 14:13 Iomraidhean Croise

Genesis 15:1

Nakwas pay di dat menpaila nan apo ken Abram danat kanan, “Adika omegyat Abram tay salaknibak sik-a isnan kaeegyat dakpay agtan sik-a is gawis.”

2 Aali 6:16

Dat kanan Eliseo en, “Adika omegyat tay ad-ado nan mangbadang ken daita mo ken daida.”

Nehemias 9:9

Nailam nan napalpaligatan din al-apomi id Egipto ya dinngem din nin-ad-adawaganda ay menpabadang isdin kad-anda isnan Gadangdang ay Baybay.

Salmo 3:8

Sik-a, apo, nan magapowan di kaisalakanan. Sapay koma ta bindisyonam nan ipogawmo.

Salmo 68:21

Tet-ewa ay dadaelen Apo Dios nan mang-ap-apos ken siya, daida ay adi mang-isaldeng ay menbasbasol.

Salmo 78:53

Inpangona daida ay gawis et maid inyeg-egyatda danapay linin-eb isnan baybay san mangkedkedag ken daida.

Salmo 91:8

Et awnitmo ilaen nan kadosaan nan mang-ik-ikkan is ngawi.

Exodo 14:30

Et issan agew ay deey et insalakan nan apo nan Israelita isnan iyEgipto et inilan nan Israelita nan natey ay aw-awak san iyEgipto ay tinmappak isnan benget di baybay.

Exodo 20:20

Dat kanan Moses en, “Adi kayo omegyat tay inmali si Apo Dios ay mang-ila et kedeng no tet-ewa ay patiyenyo siya ya tapno itoltoloyyo ay mangtongtongpal ken siya ta adi kayo bomasbasol.”

Isaias 26:3

Sik-a apo nan mang-idya is tet-ewa ay lamnin isnan mangnenemnem ken sik-a tay mentaltalekda ken sik-a.

Isaias 35:4

Ibagayo isnan nakaan nan ganasda ta tomoledda ay adida omegyat tay omali si Apo Dios ay mang-isalakan ken daida tay dosaena nan nang-ikkan is ngawi ken daida.

Isaias 43:11

Sak-en et kedeng nan apo et kedkedengak is makaisalakan ken dakayo.

Jeremias 3:23

Egay polos nangbadbadang nan sinangdidios ay dinaydayawmi isnan bilbilig tay nan badang ay pala ken dakami ay Israelita et magapo ken sik-a apo ay Diosmi.

Nomero 14:9

Adiyo dokogan nan apo ya adi kayo omeg-egyat isnan ipogaw isdi. Awnit nalaka nan mang-abakan tako ken daida tay badbadangan nan apo datako ya epdasna inabak nan didiosda ay mangbabantay ken daida isonga adi kayo omegyat.”

Mateo 28:5

Dat kanan san anghel isnan iinin-a id isdi en, “Adi kayo omegyat. Getkek ay an-anapenyo si Jesus ay nailansa isnan kros