Exodo 14:12 - Kalin Apo Dios

¹² Tay isdin datakot komaan et kinwanimi en awnit ommat na ya kinwanimi gedan en bay-am laengen dakami ay mabab-aa ken daida. Gag-awis pay ay olay baa kami mo nan matey kami isnan pondag.”

Exodo 14:12 Iomraidhean Croise

Salmo 106:7

Isdin nintean din alal-apomi id Egipto et egayda paayen din kaskasdaaw ay inik-ikkan nan apo. Kinalingkinganda din namin-ado ay nang-ipail-ilaana isnan layadna ya dinokoganda siya ay manakabalin isnan Gadangdang ay baybay.

Exodo 3:9

Dinngek et nan dawat nan naayda ay ipogawko ya iilaek nan dadama ay mangpalpaligatan nan iyEgipto ken daida.

Exodo 5:21

Dadat kanan ken daida en, “Inilan nan apo nan inikkanyo et dosaena koma dakayo tay dakayo nan gapona ay linmiget nan ali ya nan opisyalisna ken dakami. Inagtanyo daida is gapo ay mangpateyanda ken dakami.”

Exodo 6:9

Inbagan Moses dana isnan Israelita ngem egayda idnge gapo tay epdas nakaan nan namnamada isnan dadama ay napaligatanda.

Jonas 4:3

Isonga id wani apo, ipalobosmo ngalod ay mateyak tay gag-awis pay ay mateyak mo nan matatagowak.”

Jonas 4:8

Idi makagkag-aw ay epdas binmala nan agew dat omipaey si Apo Dios is menpoos ay dagem ay nagapo isnan balaan di agew et nganngani pay maolaw si Jonas isnan pilmi ay poos isonga dat mendawat ay mangwani en, “Gawgawis pay et ay mateyak mo nan matatagowak isnan kaneg tona.” Tay kaytena ay matey.

Marcos 1:24

ay mangwani, “Jesus ay iNazaret, ay ngan di ngotom ken dakami? Ay dadaelem dakami? Getkek sik-a. Sik-a nan napateg ay inbaan Apo Dios.”

Marcos 5:7

Dat kanan Jesus, “Sik-a ay anito, taynam siya.” Dat menbogaw san am-ama, “Jesus ay Anak Apo Dios ay kangatowan, ay ngan di ngotom ken sak-en? Maseg-angka ta adika mangdosdosa.”