Exodo 14:10 - Kalin Apo Dios

¹⁰ Idi nailan nan Israelita ay kedkedagen san ali ya nan sosoldadona daida et inmegyaegyatda dadat menlowalo isnan apo ta badangana daida.

Exodo 14:10 Iomraidhean Croise

Nehemias 9:9

Nailam nan napalpaligatan din al-apomi id Egipto ya dinngem din nin-ad-adawaganda ay menpabadang isdin kad-anda isnan Gadangdang ay Baybay.

Salmo 106:44

Ngem olay no keg todi et inkaskasona kayet daida isnan mapalpaligatanda isnan nangdengngana isnan dawatda.

Salmo 107:13

Dat isnan madadanaganda et nindawatda isnan apo et insalakana daida isnan mapalpaligatanda.

Salmo 107:19

Dadat mendawat isnan apo isnan madadanaganda et isalakana daida isnan maliligatanda.

Salmo 107:28

Dadat mendawat isnan apo isnan madadanaganda et isalakana daida isnan maliligatanda.

Salmo 107:6

Dadat mendawat isnan apo isnan madadanaganda et isalakana daida isnan ligatda.

Salmo 34:17

Men-adawag nan nalinteg isnan apo et idngena daida danat salakniban daida isnan am-in ay ligatda.

Salmo 53:5

Ngem awnit pilmi nan egyatda. Maid kankaneg nan egyatda tay abaken Apo Dios daida et maiwakat nan toltolangda. Mabainanda tay binaybay-an Apo Dios daida.

Salmo 81:7

Isdin maligligatanyo et nindawat kayo ken sak-en et insalakanko dakayo. Isnan kad-ak id daya et sinongbatak dakayo isnan kido daket padasen dakayo isdin kawad-anyo isnan balaan id Meriba.

Exodo 15:25

Dat ipapasnek Moses ay menlowalo. Dat ipailan nan apo ken siya nan esay kaiw dat itep-an Moses issan danom et mabalin dadlo ay mainom. Et id isdi nan nang-idyaan nan apo isnan linteg ya isdi nan nangpadasana ken daida.

1 Juan 4:18

Tay no ostoosto nan layad tako ken Apo Dios et adi mabalin ay omegyat tako ken siya. Tay nan layad ay maid kolangna et adi mabalin ay matapiyan is egyat. Isonga no omegyat nan ipogaw ken Apo Dios et siya nan kailasinana ay kolang nan layadna tay omegyat gapo isnan mangnemnemnemana isnan dosa.