Exodo 13:21 - Kalin Apo Dios

²¹ Inpangpangon nan apo daida isnan kag-aw ya labi. Isnan kag-aw et nan liboo ay napoponok ay andoando nan mangipangpango isnan daanda dat isnan labi et nan apoy tay sisilawana daida tapno makabaatda isnan kag-aw ya labi.

Exodo 13:21 Iomraidhean Croise

Nehemias 9:12

Et isnan kag-aw et inpangpangom daida isnan napoponok ay andoando ay liboo dat isnan labi et isnan apoy ta sisilawana daida isnan mendad-aananda.

Nehemias 9:19

Ngem egaymo kayet tinaytaynan daida isnan pondag gapo isnan dadama ay seg-angmo ken daida ya egaymo kinak-aan san liboo wenno san apoy ay nang-it-itdo ken daida isnan daanda isnan kag-aw ya labi.

Salmo 105:39

Inmippey nan apo is liboo isnan kag-aw ay mangipangpango ken daida ay ipogawna ya apoy isnan labi ta mangsilaw ken daida.

Salmo 68:7

Apo Dios, isdin nang-ipangpangowam isnan ipogawmo ay din ninbaatanda isnan pondag

Salmo 77:20

lnay-ayowanam nan ipogawmo ay kanegda talaken isdin nang-ipangpangowan da Moses ken Aaron ken daida.

Salmo 78:14

Isnan kag-aw et inpangpangona daida isnan kawad-ana isnan napoponok ay liboo dat isnan labi et inpangpangona daida isnan silang di apoy.

Salmo 99:7

Isnan napoponok ay liboo nan ninkaliyana isnan ipogawna. Tinongpalda nan isolsolona ya tinongpalda nan linteg ay inidyana ken daida.

Exodo 10:10

Dat kanan san ali en, “Adiyak kitdi ipalobos ay ipakkeyyo nan bababai ya an-akyo. Mamagtek ay wada nan teken ay nemnemnemenyo.

Exodo 16:10

Idi kakalkalin Aaron san deeyday ipogaw dat nin-ilada isnan liboo ay nagapo isnan pondag nan pilmi ay somili ay kawad-an nan apo.

Exodo 32:1

Gapo tay nabayabayag si Moses issan bilig dat omey nan ipogaw ken Aaron et kananda ken siya en, “Ay ngan pay ngen nan inommat isnan kangadan is Moses ay nangibala ken dakami id Egipto? Isapowam et ngalod dakami is dios ay mangipangpango ken dakami.”

Nomero 14:14

et awnit ibagada isnan ipogaw ay mentetee id isna dapay nan ipogaw isna et dinngeda et ay sik-a ay apo nan wada isnan liboo ay ipail-ilam ken dakami ay ipogawmo. Getkenda pay ay ipangpangom dakami isnan mendad-aananmi isnan omon-on-onaam ay kaneg napoponok ay liboo isnan kag-aw ya kaneg menbidbidang ay apoy isnan labi.