Exodo 12:8 - Kalin Apo Dios

⁸ Isnan labina et dawkisenda san kalni esadapay isda dadapay panganan is menpait ay madengdeng ya tinapay ay egay kabobodan.

Exodo 12:8 Iomraidhean Croise

Salmo 22:14

Linmokeyak et nammid nan pigsak ay kaneg nan danom ay naiwasit. Kaneg et pay maid toltolangko ya pilmi nan kebkeb nan baak.

Exodo 12:9

Adida is-isda nan egay kaoto wenno nan naagas. Masapol ay adi katadtadtad ay maidawis. Adida gedan kak-aanen nan olo, nan siki ya nan dinaemna.

Isaias 53:10

Kanan nan apo, “Sak-en nan akinnemnem ay men-ikalo siya. Et nan nateyana nan daton ta mapakawan nan basbasol di ipogaw. Isnan keg todi et awnitna ilaen nan aan-akna ya mabayag nan matatagowana et gapo ken siya et matongpal nan laydek.

Zacarias 12:10

Awnitak pabalinen nan ap-on din si David ya nan iJerusalem ay managseg-ang ya managlowalo. Dadat ilaen nan dinoy-okda dadat ilemet ay kaneg nan men-ilemetan di nateyan is bogbogtong ay anak. Pilmi nan ikkanda ay menbabawi ay kaneg nan ikkanda no matey nan damo ay anakda.”

Mateo 16:12

Dadat maawatan en baken obpay nan bobod di tinapay is ipanemnemnemna nodi makail-ilanda nan baken osto ay isolsolon di Fariseo ya Saduceo.

Mateo 26:26

Mangmanganda pay laeng dat omala si Jesus isnan tinapay et men-iyaman ken Apo Dios danat amam-asen et idyana isnan papasolotna. Danat kanan, “Alaenyo na ta kanenyo tay siya na nan awakko.”

Galacia 5:9

Olay no es-esa ay ipogaw nan nanggolo isnan nemnemyo mabalin ay ngomawi kayo am-in. Kaneg nan bobod. Olay atiatik nan osalem, alisana am-in nan mangipay-am.

1 Tesalonica 1:6

Gapo isnan namatiyanyo et tinoladyo dakami ya si Apo Jesus abes et olay no napalpaligatan kayo gapo isnan pammatiyo isnan kalin Apo Dios ngem men-gasing kayo kayet ay mangpatpati tay nan Ispirito Santo nan mangipagasgasing ken dakayo.