Exodo 12:6 - Kalin Apo Dios

⁶ Et isnan masdem nan maikasimpoo ya epat ay agew nan bowan ay naay dat mapalti nan wasdinda inala ay kalnilo wenno kalding.

Exodo 12:6 Iomraidhean Croise

Exodo 12:14

Et masapol ay nan naay agew et siya nan esa ay napateg ay agew ken dakayo ta mangnemnemanyo ken sak-en ay apo ya isnan inikkak. Dakayot itoltoloyto ay mang-ik-ikkan is dana ay eng-enggana.”

Exodo 12:17

Nenemnemenyo nan agew ay nangikaanak ken dakayo id Egipto ta iyob-obayayo. Et tinew-en isnan tonggal kaneg tona ay agew et lagsakanyo ta men-iyaman kayo ken sak-en ay apo.”

Exodo 12:47

Masapol ay makilagsak am-in nan Israelita isnan naay ay fiesta.

Exodo 16:1

Dat menlobwat nan Israelita ay nagapo id Elim et engganay inomdanda isnan pondag ay makwani en Sin ay ninbaetan nan Elim ya Sinai isdin maikasimpoo et lima ay agew isnan maikadwa ay bowan ay epdasda kinmaanan id Egipto.

Exodo 16:12

“Dinngek nan lilin nan Israelita. Ibagam ken daida ay isnan masdem et awnit wada nan kalni ay isdada dat isnan wakgat et wada abes nan makan ay kanenda enggana ay mapnekda. Et awnit siya na nan manggetkanda ay sak-en nan apo ay Diosda.”

Exodo 19:1

Dat komaan nan Israelita id Refidim et isnan omona ay agew isnan maikatlo ay bowan enggana isdin kinmaananda id Egipto et omdanda isnan pondag ay mangliliwes isnan bilig ay Sinai et isdi nan inmap-apaanda.

Isaias 53:6

Tay id kasin et kaneg tako nan naamas ay kalnilo ay wasdin di omey isnan omay-ayana et inmaddaaddawi tako ken Apo Dios. Ngem inpalobos nan apo ay ken siya nan maikkanan nan dosa ay dosa koma pala ken datako.

Mateo 27:20

Ngem nan menkangangato ay papadi ya nan aamam-a et dinologda nan kaipoipogaw ay mendawat ken Pilato ta si Barabas di palobosana dapay maipapatey si Jesus.

Mateo 27:25

Dadat ibobogaw ay mangwani en, “Olay tay dakami ya nan aap-omi nan manglikna no wada nan dosa isnan maipapateyana.”

Marcos 15:1

Wiit dat kasin madagop nan menkangangato ay papadi ya nan aamam-a ya nan men-is-isolo isnan linteg ya nan tapin di menlelebbeng nan Judio ta mentotolagda is esada ikkan. Dadat galotan nan ledeng Jesus esadapay eyey ken Pilato ay gobilnadol.

Marcos 15:11

Ngem nan deeyday menkangangato ay papadi et dinologda nan nadagop ay ipogaw ta si Barabas nan dawatenda ay bomala ta baken si Jesus. (v 7) Si Barabas et nakitapi ay nakigobat isnan gobilno isonga nabalod et wada nan pinateyna isnan nin-golowanda.

Marcos 15:25

Nakag-aw ay alas nowibi nan nangilansaanda ken Jesus.

Marcos 15:8

Isonga nadagop nan adoado ay ipogaw ay mendawat ken Pilato ta palobosana nan esay balod.

Lucas 23:1

Am-in san wada isdi ay nangidalom ken Jesus et tinmakdegda dadat eyey si Jesus ken Pilato ay gobilnadol

Lucas 23:18

Dat igig-iyaw nan kaipoipogaw en, “Ipapateymo kayet siya. Tay si Barabas nan kayatmi ay palobosam.”

Aapostolis 2:23

Id kasin et ninenemnem Apo Dios nan ommat ken Jesus. Et natongpal tay inpapateyyo isnan iRoma ay makedse ay ipogaw et inlansada isnan kros.

Aapostolis 3:14

Ay apo kayo, inadyanyo nan gawigawis ay ipogaw ay maid polos basolna dayopay aped piliyen nan ninpatey is ipogaw is kayatyo ay mapalobosan.

Aapostolis 4:27

Et natongpal san deey ay kinwanin David tay nadagop nan ib-ami ay Judio ya nan baken Judio ya nan ap-apo ay da Herod ken Poncio Pilato id Jerusalem ta mentotyada ay mangpatey ken Jesus ay mangtongtongpal ken sik-a dapay siya nan dinotokam ay mentolay isnan am-in ay ipogaw.

Josue 5:10

Dat issan sedem di maikasimpoo et epat ay agew di bowan ay inmap-apaan nan Israelita id Gilgal isnan sag-en di Jerico et ninlagsakda ay mangnemnem isnan Fiestan di Linmaosan di Anghel.