Exodo 12:41 - Kalin Apo Dios

⁴¹ Nakwas pay nan epat gasot ya tolompoo ay tew-en dat komaan am-in nan ipogaw nan apo id Egipto.

Exodo 12:41 Iomraidhean Croise

Genesis 50:24

Idi naam-aam-ama si Jose danat kanan isnan bebsatna. “Nganngani ay mateyak ngem getkek ay badangan Apo Dios dakayo ay komaan isna et paeyena dakayo isnan ili ay insapatana isdin si Abraham, din si Isaac ya din si Jacob.”

Salmo 102:13

Awnitmo kasin seg-angan daida id Sion. Inomdan et nan timpo ay mapateg siya. Owen, id wani nan omno ay timpo.

Salmo 114:1

Isdin kinmaanan nan Israelita ay ap-on din si Jacob id Egipto ay ili ay teken nan kalida

Salmo 136:11

Inkaana nan Israelita id Egipto tay nan adi menbalbaliw ay layadna et maid patenggana.

Exodo 12:17

Nenemnemenyo nan agew ay nangikaanak ken dakayo id Egipto ta iyob-obayayo. Et tinew-en isnan tonggal kaneg tona ay agew et lagsakanyo ta men-iyaman kayo ken sak-en ay apo.”

Exodo 12:51

Nan deey ay agew et siya nan nangikaanan nan apo isnan Israelita id Egipto.”

Exodo 3:10

Et id wani ibaak sik-a ta omeyka isnan alin di Egipto ta ikaanmo nan ipogawko ay Israelita id Egipto.”

Exodo 3:8

Isonga inmaliyak tapno isalakak daida isnan iyEgipto ya ta ikaanko daida isnan kabaelan di iyEgipto ta iyeyko daida isnan gawigawis ya magabay ay ili. Isdi nan menteteean nan naayda ay Cananeo, Heteo, Amorreo, Perezeo, Heneo ya Jebuseo id wani.

Exodo 6:6

Isonga kanam na isnan Israelita, ‘Sak-en nan apo, badangak dakayo ta mawayaan kayo isnan mendagsen ay ipaob-oblan nan iyEgipto ken dakayo. Ipailak nan panakabalinko isnan mangdosaak isnan iyEgipto ta isalakak dakayo.

Exodo 7:4

Daket dosaen is mendagsen ay dosa nan iyEgipto daket ikaan nan ipogawko ay Israelita.

Habakuk 2:3

Isolatmo gapo tay baken pay laeng id wani is timpo ay ommatana. Ngem nganngani et nan ommatan nan inpagtekko ken sik-a. Isonga olay no kaneg mabayag nan omdanana ngem sed-em tay awnit tet-ewa ommat ay adi mataktak.’

Juan 7:8

Enkayo bawet makifiesta. Adiyak makkey tay egay inomdan nan menpailaak.”

Aapostolis 1:7

Dat kanan Jesus ken daida en, “Nan timpo ay mentolayan tako et adi kabalin ay getkenyo tay si Apo Dios et kedeng nan kalebbeng ay mangtek isnan awnit om-ommat isnan omal-ali ay agew ya nan timpo ay ommatana.

Aapostolis 7:36

Din si Moses met laeng nan nang-ik-ikkan isnan kaskasdaaw isnan nangipangpangowana ken daida isnan kinmaananda id Egipto ya isnan inikkanda ay ginomdang isnan baybay ay makwani en Gadangdang ya nan inik-ikkana isnan epatpoo ay tew-en ay nindad-aananda isnan pondag.

Deuteronomio 4:37

Gapo tay linaylayadna din alal-apoyo et pinilina dakayo ay ap-oda ay men-ipogawna. Dat siya mismo nan nang-ikaan ken dakayo id Egipto isnan pilmi ay kabaelana.