Exodo 12:37 - Kalin Apo Dios

³⁷ Dat menlobwat nan Israelita ay komaan id Egipto et mendad-aanda menlogi id Rameses ay sakop di Gosen et menpaeyda id Succot. Waay enem gasot ay libo ay lalaki nan kabibilangda ay egay naibilang nan bababai ya nan oongong-a.

Exodo 12:37 Iomraidhean Croise

Genesis 12:2

Et awnitak bindisyonan sik-a is adoado is ap-om ya gawis is menteanda. Et gapo ken sik-a et awnitak badangan nan adoado ay ipogaw isnan am-in ay kailiili. Nan mangipaila is gawis ken dakayo et bindisyonak abes daida ngem nan mang-ipail-ila is ngawi ken dakayo et dosaek daida.”

Genesis 15:5

Danat ibaga en bomala si Abram danat kanan, “Tangadem pod id daya dakat padasen ay mangbilang isnan talaw tay awnit kaneg todi nan kaad-adon nan ap-om.”

Exodo 1:11

Daet mendotok nan iyEgipto is kapatas ay mangpaobla isnan Israelita is mendagsen tapno mapaligatanda. Isonga pinabangonda isnan Israelita nan dowa ay ili ay Pitom ya Rameses ay pala isnan ali ay pagpondowan di makan.

Exodo 10:9

Dat kanan Moses en, “Omey kami am-in. Ikawitmi nan an-akmi, nan kalnilo ya kaldingmi ya nan bakbakami tay masapol ay menlagsak kami ay mangdayaw isnan apo.”

Exodo 13:20

Dat taynan nan Israelita id Succot et omapada id Etam isnan benget di pondag.