Exodo 12:36 - Kalin Apo Dios

³⁶ Inpapangaton nan apo nan Israelita isnan nemnem di iyEgipto et pinatida daida. Inidyada nan dinawdawat nan Israelita et siya na nan inkakanda ay nangikaan isnan kokwan di iyEgipto.

Exodo 12:36 Iomraidhean Croise

Genesis 15:14

Ngem awnitko dosaen nan mangpaligat isnan ap-om et gapo isnan madosaanda et awnitda ipalobos nan ap-om ay komaan isdi ya awnit adoado nan kinabaknang ay ikaanda.

Genesis 39:21

Ngem nan apo et tatakdowena kayet si Jose isonga laylayden nan mangbanbantay isnan balod siya.

Salmo 105:37

Danat ibala nan Israelita et inkakawitda nan palata ya balitok di iyEgipto. Isnan kinmaananda et gawis ya napigsada am-in.

Exodo 11:2

Id wani, kakalim nan Israelita ta ibagam en menkedawda isnan sagsagogongda ay iyEgipto is palata ya balitok ay al-alkos di awak.”

Exodo 11:3

Et inpapangaton nan apo nan Israelita isnan nemnem di iyEgipto isonga inidyan nan iyEgipto nan dinawatda. Kinatet-ewana et inbilang nan oopisyalis ya ipogaw di Egipto si Moses ay napateg.

Aapostolis 2:47

Daydayawenda si Apo Dios et am-in nan omili id Jerusalem olay nan adi mamati ken Jesus, kananda en gawigawis nan ik-ikkan nan deeyda ay mamati ken Jesus. Inagew ay tapiyan Jesus nan mamati ken siya ay maisalakan.

Aapostolis 7:10

et binadbadangana siya isnan naligligatana. Gapo tay wada si Apo Dios ken siya ya wada nan intedna ay laingna et laylayden nan alin di Egipto ay makwani en Faro si Jose. Danat dotokan siya ay men-gobilnadol isnan am-in ay ili id Egipto ya men-ap-apo abes isnan am-in ay ipogaw isnan baey Faro.