Exodo 12:31 - Kalin Apo Dios

³¹ Issan deey met laeng ay labi et pinaayagan san ali da Moses ken Aaron danat kanan ken daida en, “Komaan kayo ya nan iib-ayo ay Israelita isnan naay ay ilik. Enkayo mendayaw isnan apo ay din kinwaniyo.

Exodo 12:31 Iomraidhean Croise

Exodo 6:1

Dat kanan nan apo ken Moses en, “Owen, ngem awnitmo ilaen nan ikkak isnan ali. Tay awnitak piliten ay mangipalobos isnan ipogawko. Kinatet-ewana et awnit mapilitan ay mangipakaan ken daida isnan ilina.”

Salmo 105:38

Omegyat nan iyEgipto ken daida isonga men-gasingda issan kinmaanan nan Israelita.

Exodo 10:9

Dat kanan Moses en, “Omey kami am-in. Ikawitmi nan an-akmi, nan kalnilo ya kaldingmi ya nan bakbakami tay masapol ay menlagsak kami ay mangdayaw isnan apo.”

Exodo 8:8

Dat paayagan san ali da Moses ken Aaron et kanana en, “Idawatyo isnan apo ta kaanena nan naayda ay tokak ken dakami et awnitak palobosan nan ipogawna ay omey men-idaton ken siya.”

Exodo 11:8

Dat itoloy Moses ay mangwani isnan ali en, “Awnit omali nan oopisyalismo ay menpalintomeng ken sak-en ay menpakaasi ta ikaanko am-in nan naayday Israelita dakamit komaan.” Dat pilmi nan liget Moses ay nangtayan issan ali.

Exodo 10:29

Dat kanan Moses en, “Ala wen, adiyak et kasin menpapaila ken sik-a.”

Exodo 8:25

Gapo is dana dat paayagan san ali da Moses ken Aaron et kanana en, “Enkayo men-idaton isnan Diosyo ngem id isna Egipto nan mang-ikkananyo.”

Exodo 11:1

Dat kanan nan apo ken Moses en, “Esang pay ay dosa nan ikkak isnan alin di Egipto ya nan ipogawna. No malpas na et awnit palobosana dakayo ay komaan. Kinatet-ewana et awnit palayawena dakayo am-in.

Exodo 12:39

Idi inomdanda id Succot dadat otowen nan tinapay ay egay kabobodan ay in-gapoda id Egipto. Maid bobodna tay bigla nan nangpakaananda ken daida id Egipto isonga maid wayada ay nangisagana is tinapay ay nabobodan.