Exodo 12:3 - Kalin Apo Dios

³ Ibagayo na isnan am-in ay Israelita ta isnan maikasimpoo ay agew nan naay bowan et omala nan wasdin am-an nan sinbaey is anak di kalnilo wenno anak di kalding pala ken daida ay sinbaey.

Exodo 12:3 Iomraidhean Croise

Genesis 22:8

Tinban Abraham, “Anakko, awnit kigad si Apo Dios ay omyali.”

Genesis 4:4

dapay abes piliyen Abel nan damo ay anak di esay kalnilona et paltiyena danat igasing isnan apo nan kagawisan ay begas ya tabana. Men-gasing nan apo isnan inikkan Abel

Exodo 12:2

“Nan naay ay bowan et ken dakayo awnit siya nan damon di bowan ay mangnemnemanyo isnan mangsilsilbiyanyo ken sak-en isnan tinew-en.

Exodo 12:21

Dat dagopen Moses am-in ay aamam-an di Israelita et kanana ken daida en, “Wasdin kayo pomili is anak di kalnilo wenno anak di kalding ta paltiyenyo ta menlagsakan nan pamilyayo isnan naay Fiestan di Linmaosan di Anghel.

Exodo 12:4

Ngem no at-atik nan esay sinbaey ya adida makaisda isnan esay kalnilo wenno kalding et mabalin ay mentiponda isnan kaasag-enan ay sagogongda ta omalada is esay maibagay isnan kaad-adoda ya isnan osto ay maisdada.

Exodo 12:6

Et isnan masdem nan maikasimpoo ya epat ay agew nan bowan ay naay dat mapalti nan wasdinda inala ay kalnilo wenno kalding.

Exodo 14:15

Dat kanan nan apo ken Moses en, “Adi masapol ay dawatenyo nan badangko. Ibagam kitdin isnan sanada ay Israelita ta itoloyda ay mendaan.

Exodo 20:19

Dadat kanan ken Moses en, “Dengngenmi no sik-a nan menkali ngem no si Apo Dios nan makikali ken dakami et waay matey kami is egyatmi.”

Exodo 4:30

Dat ibagan Aaron ken daida nan am-in ay inbagan nan apo ken Moses dapay ipailan am-in Moses san deeyday kaskasdaaw isnan sagangda

Exodo 6:6

Isonga kanam na isnan Israelita, ‘Sak-en nan apo, badangak dakayo ta mawayaan kayo isnan mendagsen ay ipaob-oblan nan iyEgipto ken dakayo. Ipailak nan panakabalinko isnan mangdosaak isnan iyEgipto ta isalakak dakayo.

Juan 1:29

Kawakgatana dat ilaen Juan si Jesus ay somagsag-en danat kanan, “Si todi nan mangkaan isnan basbasol di ipogaw isnan batawa gapo isnan awnitna kateyan. Inyalin Apo Dios siya ay kaneg kalnilo ay mapalti ta kaanena nan basol.

Juan 1:36

danat inenengneng si Jesus ay lomaos danapay kanan, “Ilaenyo. Si tona nan kalnilon Apo Dios ay mangkaan isnan basbasol di ipogaw.”

Juan 12:1

Enem pay ay agew esapay menlogi nan fiesta dat omey si Jesus id Betania ay ilin Lazaro ay tinagona.

Juan 12:12

Issan kawakgatana nan kaipoipogaw ay inmey makifiesta et dinngeda ay domatdateng si Jesus id Jerusalem

1 Corinto 5:7

Isonga kaanenyo nan ngawi ay ogali ay kaneg nan inik-ikkanyo id kasin tapno bomalo nan biyagyo tay nadalosan kayo gapo isnan mamatiyanyo. Nan gapo ay nadalosan kayo et gapo tay natey si Kristo isnan basbasol tako. Et nan nateyana nan naiyaligan nan menpalpaltiyan nan Judio is anak di kalnilo isnan mangnemnemanda isnan nanglaosan nan anghel ay adi mangpatey isnan iyon-a ay anakda.

Naipagtek 13:8

Isonga am-in ay ipogaw isnan batawa et ninbalinenda san kaeegyat ay deey is diosda malaksig nan naisolat nan ngadanda isnan paglistaan di matagotago ay eng-enggana tay adida daydayawen siya. Esapay mawada nan batawa et nailista nan ngadngadanda isnan paglistaan ay kowan san makwani en Kalnilo ay napatey id kasin.