Exodo 12:29 - Kalin Apo Dios

²⁹ Isnan tengan nan labi et pinatey nan apo nan am-in ay iyon-a ay lalalaki ay an-ak di iyEgipto ay menlogi isnan iyon-a ay anak di ali ay awnit mangtawid koma isnan kinaalin amana enggana isnan iyon-a ay anak di balod. Natey gedan am-in nan damo ay an-ak di talakenda.

Exodo 12:29 Iomraidhean Croise

Genesis 15:14

Ngem awnitko dosaen nan mangpaligat isnan ap-om et gapo isnan madosaanda et awnitda ipalobos nan ap-om ay komaan isdi ya awnit adoado nan kinabaknang ay ikaanda.

Salmo 105:36

Inpapateyna pay nan iyon-a ay lalaki ay an-ak di iyEgipto.

Salmo 135:8

Pinateyna pay nan iyon-a ay an-ak di iyEgipto ya nan anak di tatalakenda.

Salmo 136:10

Pinateyna nan iyon-a ay an-ak di iyEgipto ngem nan adi menbalbaliw ay layadna et maid patenggana.

Salmo 78:50

Egayna initpe nan ligetna nodi binaybay-ana daida ay matey isnan sakit.

Salmo 78:51

Pinateyna nan iyon-a ay lalaki ay an-ak nan iyEgipto. Owen, am-in ay iyon-a ay lalalaki ay an-akda.

Exodo 11:1

Dat kanan nan apo ken Moses en, “Esang pay ay dosa nan ikkak isnan alin di Egipto ya nan ipogawna. No malpas na et awnit palobosana dakayo ay komaan. Kinatet-ewana et awnit palayawena dakayo am-in.

Exodo 12:12

Isnan labin todi et awnitak omey ay mangsolsol isnan am-in ay ilin nan Egipto et pateyek am-in ay iyon-a ay lalaki ay anak ay ipogaw wenno talaken dakpay dadaelen am-in ay didiosen nan Egipto. Sak-en nan apo.

Exodo 12:28

Dadat omey ikkan nan bilin ay inbagan nan apo ken da Moses ken Aaron.

Exodo 9:6

Kawakgatana pay dat tet-ewa ikkan nan apo san kinwanina. Adoado nan natey ay talaken di iyEgipto dapay maid polos natey isnan talaken di Israelita.

Habakuk 3:5

Wada nan dowa ay kaeegyat ay mamakkey ken siya. Ipaon-onana nan sakit ay mangipakalo isnan mang-ap-apos ken siya danat ipaonod nan tetey.

Zacarias 9:11

Gapo isnan nakitolagak ken dakayo ay pinatet-ewan nan basan di napalpalti ay naidatdaton et wayaak nan iib-ayo ay naipakaan isnan iliyo ay ninpabaa isnan teken ay ili ay maid kalinteganda isnan ili ay menteteanda.

Hebreo 11:28

Nan pammatina gedan nan gapo ay tinongpalna nan esay inbilin Apo Dios ken siya. Inpaikkana isnan alal-apo tako nan kanan tako en, ‘Nan Limaosan nan Anghel.’ Winaksiyanda nan segpan nan bab-aeyda is basan di napalti ay kalnilo tapno laosan nan anghel daida ay adi mangpatey isnan iyon-a ay an-akda.

Hebreo 12:23

Maitatapi tako isnan iib-a tako ay mamati ay naisolat gedan nan ngadanda id daya tay datako am-in nan an-ak Apo Dios. Somagsag-en tako gedan isnan mamati ay epdas natey ay makitetee ken Apo Dios id wani. Daida nan gawis nan pangiilaan Apo Dios isdin natatagowanda. Et id wani et adida polos bomasbasol. Somagsag-en tako abes ken Apo Dios ay mangbanag isnan am-in ay ipogaw